சில எண்ணங்கள் -45

அப்பா : என்னடா.. பக்கத்து வீட்டில ஒரே ஆட்டம்,பாட்டம் ,

கொண்டாட்டம்னு ஒரே குதுகூலமா இருக்கு.. எதுவும் விசேஷமா??

பசங்க : ஆமா விஷேசம் தான்ப்பா… அவுங்க அப்பா ஊருக்கு போயிருக்காங்களாம்…

அப்பா : !!!!!

 

 

தெளிந்த பின்னே
மட்டுமே தெரியும்
இது நாள் வரை அடி
மனதில் எத்தனை
கசடுகள் என்று!!

 

ஒரு திசை காட்டும் கருவி
ஒரு பூத கண்ணாடி
ஒரு கையடக்கமான
தீவட்டி வெளிச்சம்
மகனே…. நீ பள்ளிக்கு வரலாறு
படிக்க செல்கிறாயா இல்லை
வரலாறு படைக்கவா??
‪MagneticPencilbox

 

 

நிலை தட்டுமேயானால் தலை
குனிந்து செல்வது உத்தமம்….
நிலை தட்டு தடுமாறினால்
தலை குனிவு நிச்சயம்..

 

இன்றாவது தன் மனதில்
உள்ளதை வாடிக் கிடக்கும்
பூமியிடம் கொட்டி விட
தீர்மானித்து மோடம் போட்டு
காத்து கிடக்குது வானம்!!

 

 

பயிரிட்ட பின்னே
விதை விதையாக
முழித்து கொண்டு
நில்லாமல் விளைந்து
நிற்பதே தானியத்தின் சிறப்பு….
அஃதே வயிறிடுவதற்கு முன்பும்!

 

நம்ம கிட்ட இருக்கிற
சிம்கார்ட கொண்டு போய்
ஏர்டெல்காரன் கிட்ட குடுத்தா
அதை வெட்டி மைக்ரோ சிம்கார்டா
ஆக்கி தருவானா அம்மா??
ஏலேய்.. அது என்ன ஆடா!
இல்லை.. சிம்கார்டா!!

 

இன்று அதிகாலை
நீ இருண்டு இறுக்கம்
கொண்டு என் மனதை
வானில் பறக்க விட்டு கண்கள்
பணிக்க செய்தது அத்தனையும்
நடிப்பா??????????
வருவது போல் வந்து பின்
வராது சென்ற மழை

 

வீர தீரமாய் சுழன்றடிக்கும் சார காற்றே
உன்னுள் ஈரம் இல்லாதவரை உள்ளம் மயங்காது
உடல் சோர்ந்த மயக்கம் மட்டுமே சாத்தியம்!

 

வெடிச் சிரிப்புடன் கைகளை
டாட்டா காட்டியவாரே வெளியே
ஓடும் குட்டி பையனை பிடிக்க பின்னங்கால்
பிடறியில் அவன் பின்னே ஓடுவாள்..
சற்று முன்னே அவன் சேட்டை
தாங்காமல் தர தரவென இழுத்து
வீட்டின் வெளியே விரட்டிய தாய்..

 

ஒருவரை நம்பி கை கொடுப்பதை விட
நம்பிக்கை அளிப்பது சாலச் சிறந்தது!!

 

கவனிக்க மறந்து விடும் நேரங்களில் தனக்கு
தானே தூசியால் அரிதாரம் பூசி நம் கவனத்தை
கவர்ந்து விடுகிறது நம் வீட்டு சாமான்கள்!!

 

அடுத்தவர் பொருளை
ரசித்து நோக்குவது சலனம்
உரிமம் கொள்ள நினைப்பது சபலம்..

 

 

சில எண்ணங்கள் -28

கணவனை முழுவதும் புரிந்து
கொள்ள முடியாது என்பதை மனைவியும்
மனைவியை முழுவதும் புரிந்து
கொள்ள முடியாது என்பதை கணவனும்
புரிந்து கொள்ளும் போது மகிழ்ச்சியான
வாழ்க்கையின் ரகசியம் புரிந்து போகிறது!!

‘சன்’நை புகைப்படம்
எடுக்க எத்தனிக்கையில்
சைக்கிள் கேப்பில்
புகுந்து விட்ட
சண்டாளன்!!

முந்திரி பருப்பு இருந்தா
தூத்துகுடிகாரங்க மக்ரூன் செய்வாங்க..
திருநெல்வேலிகாரங்க முந்திரி அல்வா செய்வாங்க..
சூரத்காரங்க காஜு கத்ரிசெய்வாங்க..
கொடுமை கொடுமை..
இந்த குண்டூர்காரங்க மட்டும் வெல்லம் போட்டு
முந்திரிமிட்டாய்(இத வேற எப்படி சொல்றது)
செஞ்சு வைக்கிராங்க
இதை எப்படி சாப்பிடறது!!

அடி மேல் அடி விழும் போது
அவசரப்பட்டு உடைந்து விடாதீர்கள்
செதுக்கிவிடப்பட்டு கொள்ளுங்கள்
யார் கண்டார் நாளை அழகு மிளிரும்
சிலையாகவும் உருமாறலாம்!!

மெனக்கெட்டு மனப்பாடம் செய்த
என் மொபைல் நம்பர் முக்கிய
மொமென்டில் மறந்து என்னை
மலங்க மலங்க முழிக்க வைத்து
மானத்தை வாங்குவதேனோ!!

டேய் கொஞ்சமாவது அறிவிருக்கா??
என்று என் பையனிடம் இப்பவெல்லாம்
கேக்கவே முடியரதில்லை..
தப்பி தவறி கேட்டு விட்டால் பதிலுக்கு
உங்களுக்கு அறிவிருந்தா எங்க என்ன விட
ஸ்பீடா 16த் டேபிள் சொல்லுங்க பார்ப்போம்!!

அம்மா 3/9 + 6/9 என்ன வரும் சொல்லுங்க..
இது சிம்பிள் டா 1 வரும்
பரவாயில்லையே கரெக்டா சொல்லுறீங்க
ஓல்ட் ஏஜ் ல Fraction எல்லாம் உண்டா…
ஓல்ட் ஏஜா விட்டா ஸ்டோன் ஏஜ்னு சொல்லுவான் போல!!

சில எண்ணங்கள் -26

கூட்ட நெருக்கடியில்
முன் சென்ற பெண்ணை
ரகசியமாய் தீண்டி
அவள் கன்னம் சிவக்க
வைக்க எண்ணிய அவனுக்கு
பெரிய ஏமாற்றம்..
பகிரங்கமாய்
அவன் கன்னம் சிவக்க
வைத்தாள் அவள்!!

எவரூ எவரூனு..
சளைக்காமல் என் நம்பருக்கு
கால் செய்பவர்களுக்கும்
Hey who r u.. who is dis.. என்று
மண்டையை பிய்த்து கொண்டு
மெசேஜ் அனுப்புபவர்களுக்கும்
கண்டிப்பாக தெரிந்திருக்க நியாமில்லை
இவை என் கடை குட்டி பையனின்
லீலையில் ஒன்று என்று!!

அது என்ன மெனு கார்டில்
புதுசா உளவுசாறு தோசை
என்ற கிறுக்கு புத்தியின் சொல்
கேட்டு உளவு பார்க்க ஆர்டர்
செய்தாயிற்று…
கொஞ்சம் திக் திக் என்று
இருந்தாலும் அந்த தோசைக்கு
குடுத்திருந்த பில்டப் பார்த்து
சிறிது ஆறுதல் உண்டாயிற்று…
குண்டூர் ஸ்பெசல் என்று குறிப்பிட்டு
இருந்ததை பார்த்தாவது சற்றே
சுதாரித்திருந்திருக்கலாம்…
சத்தியமாக நினைக்கவே இல்லை
கொள்ளு, மிளகாய் வத்தல், மிளகு
புளி சேர்த்து கெட்டி ரசம் வைத்து
தோசை முழுவதும் தடவி குடுப்பார்கள் என்று!

யாருய்யா வானத்துக்கு விடாம
சீரியல் போட்டு காட்டுரது
இப்படி மூக்கால அழுது தள்ளுது!!

மக்காச்சோளம் அவிச்சு குடுக்கனும்
என்று நினைத்தால் மட்டும் போதாது
குக்கரில் தண்ணீர் ஊற்றி உப்பு போட்டு
அதை மூடுவதற்கு முன் மக்காசோளத்தை
உள்ள போட்டாச்சா என்று சரி பார்த்து கொள்வது
நலம் இல்லயேல் பசியோடு வரும் கணவர்
உங்களை அவித்து விடுவது நிச்சயம்!!

மழையே!
நீ விலாசம் மாறி
வந்து விட்டாயா
இது சிரபுஞ்சி
அல்லவே!! — in Guntur.

ஏ மழையே!
உன் சாகசத்தால்
என் மேனியில் உள்ள
ஒவ்வொரு செல்லிலேயும்
பூக்கள் பூத்ததோ இல்லையோ
என் வீட்டில் துவைத்து காய்ந்து
கொண்டே இருக்கும் துணிகளில்
பூஞ்சைகள் பூக்க போவது நிச்சயம்!!

விடாது பெய்யும் அடை மழையால்
நிறம் மாறின வெள்ளை பூக்கள்..
பஞ்சு!!

சில எண்ணங்கள் -25

மின் தடையால்
மிக்ஸி ஓடவில்லை
கிரைண்டர் ஓடவில்லை
ப்ரிஜ் ஓடவில்லை
வாசிங் மிஷின் ஓடவில்லை
மோட்டர் ஓடவில்லை
டீவீ ஓடவில்லை
ஆக மொத்தம் எனக்கு
கையும் ஓடவில்லை
காலும் ஓடவில்லை!

என்னது பூரிக்கு தொட்டுக்க கிழங்கா??
என்ன கொடுமை அம்மா இது!
.
.
.
.
புரட்டாசியில் புறப்படும்

புதல்வனின் புலம்பல்கள்!!

ஒரு ஊருல ஒரு ராஜா
இருந்தானாம்…
அவர் ஏழு கடல் தாண்டி
ஏழு மலை தாண்டி ஒரு
எலுமிச்சம்பழம் கொண்டு
வந்தாராம்….
ரெண்டு வரி கதை 
சொல்வதற்குள்ளேயே
பையன் அலுத்து கொண்டான்..
பக்கத்து பெட்டி கடை பாட்டி
கிட்ட கேட்டாலே குடுத்திருக்கும்..
போங்கடா நான் கதையே சொல்லல!!

ஒன்ன ரெண்டாக்கி
ரெண்ட நாலாக்கி
நால எட்டாக்கி
ஒவ்வொன்றுக்கும் 
இடையே கால் ஸ்பூன்
சீனி போட்டு தண்ணி
ஊற்றி…..
ஐய்யையோ சத்தியமா
ரெசிபி எல்லாம் இல்லை
ஒரே வாயில போட்டு
மாத்திரையை விழுங்க
சொன்னா கேக்க
மாட்டிகிரான் என் பையன்!

குக்கரின் சூடு பொறுப்பாள்
எண்ணெயில் பொரிந்து கைகளில்
வெடித்து சிதறும் கடுகின்
சூடை பொருட்படுத்த கூட மாட்டாள்
எதிர்பாராமல் கைகளில் கொட்டி
விடும் வெந்நீரை பூ வென்று ஊதி
வலி மறந்து போவாள்
மனம் பொறுக்க மாட்டாமல்
அலறுவாள் ‘அம்மா’ தன் குழந்தையின்
மேனி சுடும் போது மட்டும்!!

சில எண்ணங்கள் -22

தேவைக்கு அதிகமா
உணவு உட்கொள்ளும் போது
குண்டாயிடறது நீங்களோ
உங்க வீட்டு நாய் குட்டியோ மட்டும்
அல்ல உங்க வீட்டு ரீசார்ஜபல்
பேட்டரிகளும் தான்!

 

ஒரு வாரத்துக்கு ஷட்டரை இழுத்து மூடு
என்று கணவரின் அலுவலகத்துக்கும்
கேட்டை இழுத்து சாத்து
என்று பிள்ளைங்களின் ஸ்கூலுக்கும்
அன்பு கட்டளை பிறப்பித்திருக்கும்
போராட்டகாரர்கள் ஒருத்தர் கூட
என்னை ஒரு வாரத்துக்கு வேலை செய்யாதே
என்று சொல்ல மாட்டீகிராங்க…
Samaikyandhra Agitation!! — feeling sad in Guntur.

 

உலக வரலாற்றில் 
முதன் முறையாக
துருவ கரடியும்
நம்மூர் கரடியும்
இணைந்து மிரட்டும்
இராம நாராயணனின்
புத்தம் புது திரைபடம்
ஆர்யா சூர்யா!

 

நாளையில் இருந்து முழு
மூச்சோடு பந்த் செய்ய
போறாங்களாம் என்னவோ
இவ்ளோ நாள் வென்டிலேட்டர்
உதவியோடு பந்த் செஞ்சா மாதிரி!! — feeling irritated in Guntur.

 

எவுக வந்து நின்னாலும்
சரியா காது கேட்காது
முழுசா பார்வை தெரியாது
ஒழுங்கா பேச முடியாது..
.
.
.
.
.
When ur connection is too slow
in Skype than the opponent!!

கண்டவுடன் உண்டானதோ மலைப்’பூ’
மறு நொடி உள்ளம் கொண்டதோ பூரிப்’பூ’
இது நாவில் சுவைத்ததோ இனிப்’பூ’
அதிகாலை நேர எதிர்பாராததொரு களிப்’பூ’.

சில எண்ணங்கள் -20

என்னது.. வராமல் வந்த
மாப்பிள்ளை என்ன குறையை
கண்டுவிட்டார் என்று இப்படி
முறுக்கி கொண்டு ஓடுகிரார்!
என் துணிகளை எல்லாம்
இன்றாவது வாழ sorry காய
வைத்துவிடலாம் என்று பார்த்தால்
ஒன்றும் நடக்காது போலையே..
மேகங்களின் பின் ஒளிந்து
கொள்ளும் மழை காலத்து சூரியன்!!!

கடல் மாதிரி வீடு என்ற
ஆசை வார்த்தையை நம்பி
மோசம் போய் விடாதீர்கள்
அங்கே வேலைகள் ஓய்வதில்லை!!

இந்த பல்லும் ஒரு நாள்
சூத்தையாகும் என்பது
தெரிந்த ஒரு விஷயம் தான்..
அதுக்காக விழுந்து விழுந்து
இரண்டு வேளை பல்லை தேய்க்கனும்
ரூட் கேனால் பண்ணனும்
ஸ்டெம் கேனால் பண்ணனும்
அப்படியெல்லாம் எந்த ஒரு
அவசியமும் இல்லை
.
.
பூண்டு பல்!!

இன்று ஒரு பூனை
அது வசிக்கும் வீட்டினுள்
இருந்து வெளியே கிளம்ப
எத்தனிக்கையில் நான் குறுக்கே
வந்துட்டேன், இந்த சகுனம்
நல்லதா கெட்டதா பூனைக்கு!!

கோதுமை மாவை
தண்ணீர் விட்டு பிசைந்து
உருண்டைகள் இட்டு
அதை கல்லில் போட்டு
வட்டமாக தேய்த்து
எண்ணெய் காய்வதற்கு
முன்பே பூரிகள் இட
முயற்சித்தால் உங்கள்
மூளை இன்னும் சரி வர
காய ஆரம்பிக்கவில்லை
என்று அர்த்தம்!!

சில எண்ணங்கள் -18

அழுத்தமாய் இதழ்களை பதித்தும் 
பாவம் இவரால் இப்பொழுதெல்லாம்
இம்ப்ரஸ் செய்யவே முடிவதில்லை
.
.
.
.
இன்னிகோ நாளைக்கோ
என்று நாட்களை எண்ணி
கொண்டிருக்கும் 
Liquid Shoe Polish!!

இருக்கலாம்..
முன் ஜென்மத்து பந்தமாய்
என் தர்ம பத்தினியாய்
பின்னே எவ்வளவு தான்
கண்டும் காணாமலும்
கேட்டும் கேட்காமலும்
பார்த்தும் பார்க்காமலும்
இருந்தாலும் சற்றும் 
சளைக்காமல் சல சலவென
சொன்னதையே திருப்பி
திருப்பி சொல்லுவதும்
நிமிஷத்துக்கு ஒரு முறை
குறுஞ்செய்திகளை அனுப்பியும்
உயிரை எடுப்பதேனோ
.
.
.
விட்டு தொடரும் பந்தம்
Airtel!!

அது ஒரு நடு நிசி நேரம்
சோவென்று கொட்டியது மழை
இரவை பகலாக்க முயன்று 
தோற்ற மின்னல்கள்
இருட்டிலே துலாவிய கைகள்
பட்டு உயிர் பெற்ற மின்விளக்கின்
வெளிச்சத்தில் முகம் அலம்ப 
நினைத்து முடியாமல் பச்சை
பொத்தானை அவசரமாக
அமுத்த அய்யோ………….
என்று அலறியது உள்ளம்
டேங்கில் தண்ணீர் 
‘காலி’யானது மட்டுமல்லாமல்
மோட்டரும் அநியாயமாய் தன்
உயிரை விட்டிருந்தது!!

 

துவையல் செய்வதற்காக
கொத்தமல்லி கரிவேப்பிலை புதினா
சம அளவு எடுத்து சுத்தம் செய்து
வாணலியில் நல்லெண்ணையை காய வைத்து
உளுந்தம் பருப்பு ஒரு கையளவு எடுத்து
போட்டு அது பொன்னிறமானவுடன்
காரத்திற்கேற்ப ஐந்து ஆறு பச்சை மிளகாய்
கிள்ளி போட்டு பத்து பல் பூண்டு உரித்து போட்டு
எலுமிச்சை அளவு புளியும் போட்டு
வதக்கி பின் கொத்தமல்லி கரிவேப்பிலை புதினாவை
அதில் போட்டு வதக்கும் போது எழும்
சுகந்தமான வாசனையின் சுகமான இம்சையில்
அருவியாய் ஜொள் அல்ல வியர்வை ஊற்றெடுக்க
அடுப்படி ஜன்னல் வழியாய் எனக்காகவே
புறப்பட்டு வந்து என் முகத்தை ஸ்பரிசித்து விட்டு
செல்லும் தென்றல் காற்று தான் நிஜமாகவே கவிதை!!

சில எண்ணங்கள் -16

கொசுக்களுக்கு வெண்டக்காய்
ரொம்ப பிடிக்குமோ!!
.
.
.
.
.
.
என் விரலை மட்டும் ஏன்
இந்த கடி கடிக்குது!!

 

திடுதிப்பென்று வீட்டினுள் வருவார்
இந்த அழையா விருந்தாளி
திருப்பி வீட்டை விட்டு கிளம்புதற்கு முன்
வீட்டில் உள்ள அத்தனை பேரையும்
ஒருத்தர் மாத்தி ஒருத்தராய் கட்டி
அரவணைத்து பிரியா விடை குடுத்தே
செல்வார் இந்த பாசக்காரர்
.
.
.
.
.Viral Infection!!

 

யாரொருவர் மிகுந்த துயரத்தில்
விக்கி விக்கி அழுதாலும்
நீங்கள் அவருடைய துயரை
துடைக்க பெரியதாக எதுவும்
செய்யாவிட்டாலும், ஒரு டம்ளர்
தண்ணியாவது குடிக்க குடுங்கள்
அவர் விக்கலை நிறுத்துவதற்கு!!

ஒரு திரைப்படத்தை கண்டு
முடித்த பின்னரும் மூன்று 
நாட்கள் வரை தூக்கம் வரவில்லை
என்றால் அது திகில் படம்..
அதே தூக்கம் ஒரு திரைப்படத்தை
பார்த்து கொண்டிருக்கும் பொழுதே
மூன்று தடவை வந்தால்
அது துயில் படம்!!

சில எண்ணங்கள் -12

வாழ்க்கையில் சூடு பட்ட நெஞ்சமும்
டீயால் சூடு பட்ட நாக்கும்
சுவைகளை அறிய முற்படுவதில்லை!!

 

ஆவின் கண்கள் இவ்வளவு அழகா என்று
ஆவென்று வாயை பிளந்து வியந்தால்
அது Bulls Eye!!

 

பருப்பு வெந்து முடிந்த கையோடு
சூட்டோடு சூடாக மசித்து விட்டு
விடுதல் நலம் இல்லையேல்
எவ்வளவு திறமையாக சாம்பார்
வைத்தாலும் பருப்பு தனித்தனியாக
முழித்து கொண்டு தான் நிற்கும்…
படம் எடுத்து முடிந்த கையோடு
சூட்டோடு சூடாய் ரீலீஸ் ஆக
முடியாமல் தடை செய்யபட்டு பின்பு
வெளி வருகின்ற திரைபடங்கள் போல!!

 

இளமை கொப்பளிக்கும்
முகப்பருக்களுக்கு
பாதுகாவலாய்
கருப்பு பூனை படைகள்
.
.
.
.
.
.
Black Heads!!

 

நம்ம ஆசை ஆசையா
திருப்பி திருப்பி 
எத்தனவாட்டி
கால் செய்தாலும் 
ஃபோனை கையில 
எடுப்பேனா என்று
அடம் பிடிப்பவர்
.
.
.
.
.
கேஸ் புக் செய்பவர்!!

எல்லாவற்றுக்கும் ஒரு நேரம் 
ஒரு காலம் இருக்குது என்று
சொன்னால் புரியவா போகுது
.
.
.
.
.

பகலிலும் என்னை சுற்றி சுற்றி
கடிக்கும் மரமண்டை கொசுக்கள்!!

 

 

சில எண்ணங்கள் -2

கணவர் கோபத்தில்
வீசி எறியும்
வார்த்தை பந்துகளை
பதில் வார்த்தைகளால்
அடிக்காமல் விடுவதும்,
சுழற்றி சுழற்றி
விளாசி சிக்சர் அடிப்பதும்
ஒவ்வொரு மனைவியின்
சாமர்த்தியத்தை பொறுத்த விஷயம்!!

 
அந்நிய தேசத்தில்
வளரும் நம் தேசத்து
குழந்தைகளுக்கு
தாத்தா பாட்டி என்பவர்கள்
கம்ப்யூட்டர் ஜன்னல் வழியாக
அவ்வப்பொழுது எட்டி பார்த்து
பிஞ்சு மனங்களை
குதூகலிக்க வைப்பவர்கள்
Skype!

 

எனக்கு புரியாத புதிர்களில் இதுவும் ஒன்று
சில சமயம் இழுத்த முதல் இழுப்பிலேயே
தன் தையலை பிரித்து விடும் அரிசி பை
பற்பல நேரங்களில் என்னை
முழி பிதுங்க வைப்பது ஏனோ!!!

 

Twist பண்ணு
Lick பண்ணு
Dunk பண்ணு
அப்படியே
.
.
டாக்டர்ருக்கு கால் பண்ணு
அப்பாய்ன்ட்மென்ட் பிக்ஸ் பண்ணு
OREO!!