எண்ணங்கள் பலவிதம்

என் எண்ணங்களின் நீருற்று


4 பின்னூட்டங்கள்

சில எண்ணங்கள் -4

படம்

டீ.ஏ மதுரம் காலத்தில் இருந்தே
பெண்கள் காணும் ரகசிய கனவுகளில் ஒன்று
.
.
.
.
.
.
.
.
.
.
.
.
‘ஒரு பட்டனை தட்டி விட்டா
ரெண்டு தட்டுல இட்லியும் சாம்பாரும்
பட்டுனு வந்திடனும்’

படம்

தெலுங்கானாவை
29வது மாநிலமாய்
அறிவித்தாலும் அறிவித்தார்கள்
இரண்டாவது நாளாகியும்
வன்முறைகள் தலை விரித்து 
ஆடுகின்றன வீட்டினுள்
பசங்களுக்கு பள்ளி விடுமுறை!!

படம்

துகிலுரித்த 
சில நிமிடங்களிலேயே
கொதிக்கும் குழம்பிலேயோ
வதங்கும் கூட்டிலேயோ
விழுந்து தன் இன்னுயிரை
மாய்த்து கொள்கிறது
மானமுள்ள வெங்காயம்!!

படம்

கண் முன்னே இருந்த போதிலும்..
என் வண்டி சாவி பாத்தியா
என் சாக்ஸ் எங்க
போன் புக் எங்க.. என்று
காலையிலேயே பரபரக்கும் கணவருக்கும்,
என் ஐ.டீ கார்ட் எங்க
என் பெல்ட் எங்க
என் பென்சில் எங்க..என்று
ஆட்டோ வரும் வரை அலறும் பையனுக்கும்
நான் சொல்ல நினைத்ததெல்லம்
ஒன்றே ஒன்று தான்
நான் ஒன்றும் Search Engine இல்ல!!


4 பின்னூட்டங்கள்

மிஸ் யூ …..

படம்

நம்ம வாழ்க்கையில், ஒருத்தர் நம்ம கூடவே இருக்கிர வரையில்,

அவர்களுடைய அருமை நமக்கு

தெரியாது! அவர்கள் தூர விலகி சென்ற பின்னர் தான், அவர்களுடைய

நியாபகங்கள் நம்மை துரத்தி துரத்தி வரும். இந்த பதிவு கூட, நான் ரொம்பவே

மிஸ் செய்யர ஒருத்தர பத்தி தான்! சின்ன வயசில், எனக்கு அவர அவ்வளவா

பிடித்ததில்லை! அவரை நேரில் கண்டாலே, ஒட்டம் பிடித்து விட்டு தான் மறு

வேலை, இல்லையேல் அழ அழ வைத்து விடுவார்! ஆனால் இவர் இல்லாம

நான் இல்லை என்ற நிலைமை ஒரு கால கட்டத்தில் வரும் என்று கனவில்

கூட நினைத்ததில்லை!

அவர் இப்போ எங்க கண்ணில் பட்டாலும், முதல் ஆளாய் அழைத்து வருவது

நான் தான்! இவ்ளோ ஸ்பெசலானவர், வேற யாரும் இல்ல.. நம்ம

Mr.சின்னவெங்காயம் அவர்கள் தான்!!

இவர் நம் தமிழ் நாட்டின் செல்ல பிள்ளை! தமிழ் நாட்டை

தாண்டி, எந்த ஊர் சென்றாலும், முதலில் தேடுவது இவரை தான்! தமிழர்,

மலையாளீ, இவர்களை தவிர, வேறு மாநிலத்தவர் எவருக்கும், இதன்

அருமை தெரியவில்லை! பெரிய வெங்காயமே, அவர்களுடைய விருப்பம்!

இதை எப்போ உரிச்சி, எப்போ வேலையை முடிக்க, என்று எரிச்சலை

வெளிப்படுத்துவார்கள்!

உண்மைதான், அதை தோலை உரித்து, வெட்டுவது,

என்பது அவர்கள் சொல்வது போல பெரிய வேலை தான், ஆனால், அவற்றின்

நற்குணங்களை அறிந்தோர் குறை சொல்ல மாட்டார்கள்!

இப்போ வெங்காயம் வெட்டுவதற்கு என்று நிறைய கருவிகள் வந்து விட்டன,

இதே மாதிரி, வெங்காய தோலை உரிப்பதற்க்கும், ஏதாவது கண்டுபிடித்தால்

நன்றாக இருக்குமே, என்று நானே பல முறை யோசித்ததுண்டு!  நான்

சமையல் செய்ய படித்த புதிதில் இருந்து இன்று வரை, அழாமல் வெட்டியதே

இல்லை! நமக்கு ரொம்ப பிடிச்சவங்க, சில நேரம் காரணமே இல்லாமல் அழ

வைப்பர்கள், அது மாதிரி தான் இதுவும் என்று மனதை தேத்தி கொள்வேன்!

எனக்கு கல்யாணம் முடிந்து, புகுந்த வீடு சென்ற புதிதில், என்

அத்தைஎன்னை, வெங்காயம் வெட்டவே விட மாட்டார்… அவருக்கு பயம்,

நான் அழுது, அழுது வெட்டுவதை பார்த்து, என்ன புது பெண், வந்து கொஞ்ச

நாள் கூட ஆக வில்லை, இப்படி அழுதே  என்று யாரும் சொல்லி

விடுவார்களோ என்று!! எவ்வளவு அழுகை வந்தால் என்ன, எனக்கு எந்த

குழம்பு, எந்த கூட்டு வைத்தாலும், கை நிறைய வெட்டி போட்டால் தான்

திருப்தியாக இருக்கும்!

என் பசங்க இருவரும், நான் சிறு வயதில் செய்தது போலவே,

வெங்காயத்தை, தனியாக எடுத்து தட்டின் ஒரமாக வைத்து விடுவர்!

அதனால் நான், வெங்காயம் போட்டதே தெரியாமல், குழம்பு

வைத்து, அவர்களை சாப்பிட வைத்து விடுவேன்! சும்மாவா, சின்ன

வெங்காயம், உடம்புக்கு குளிர்ச்சியை தரும், நம் ரத்தத்தை சுத்திகரிக்கும்

ஆற்றல் கொண்டது! மெட்ராஸ் ஐ, போன்ற கண் நோய், வரும் சமயங்களில்

எல்லாம், இந்த வெங்காயத்தை, வீட்டினுள், ஆங்காங்கே உரித்து

வைத்து விட்டால், ஒருத்தரிடம் இருந்து, இன்னொருவருக்கு பரவாது.. மிக

சிறந்த கிருமி நாசினி! காலில் முள் குத்தி வலி எடுப்பவர் கூட, இந்த சின்ன

வெங்காயத்தை நன்கு வதக்கி, ஒரு துணியில் வைத்து கட்டி விட்டால், முள்

தானாக சிறிது நேரத்தில் வெளியில் வந்து விடும்.. இப்படி நிறைய

பாட்டி வைத்தியங்கள் சொல்லிட்டே போகலாம்!

சரி, சரி நம்ம விஷயத்துக்கு வருவோம், இப்போ நாங்க இருக்கிர

குண்டூரில் சின்ன வெங்காயம் இல்லை! கல்யாண சீசன் சமயங்களில்

மட்டுமே விற்பனை செய்ய படுமாம்! விசேஷங்களின் போது, சாம்பாரில் இந்த

சின்னவெங்காயத்தை போடுவார்களாம்! இப்பெல்லாம், எவ்வளவு

கவனமாக சமையல் செய்தாலும், ஏதோ ஒன்றின் சுவை குறைந்தது

போலவே இருக்கிரது! நிஜமாவே, ரொம்ப மிஸ் செய்யரேன், Mr.சின்ன

வெங்காயம், மிளகாய் குழம்பு, வெந்தய குழம்பு, மீன் குழம்பு எதுவுமே, நீங்க

இல்லாமல் ருசிக்கவே இல்ல! அய்யோ, நம்ம ஊரு சின்னவெங்காய

பக்கோடா, எல்லாம் கண்ணுக்குள்ளேயே இருக்குது, போதும் இதுக்கு மேல

யோசிச்சா அழுகை வந்து விடும்! சின்ன வெங்காயம், உரிக்க, உரிக்க உள்

ள ஒன்னுமே இல்ல தான், ஆனால் என் உள்மனசுல, அதுக்கு நிறையவே

இடம் இருக்கு!!!!!!!


2 பின்னூட்டங்கள்

சிரிக்கலாம் வாங்க-3

படம்

கிலோவுக்கு, 
நூற்றி நாற்பது ரூபாய் கொடுத்தும் , 
வாங்கி வந்த சின்ன வெங்காயத்தை,

கண்ணீர் சிந்தாமல் வெட்ட முடியவில்லை….— feeling sad  in Guntur.

 

 

30 நாளில் தெலுங்கு,
புத்தகத்தை, படித்து முடித்த தைரியத்தில்,
அயன் பண்ண குடுத்த துணிகளை வாங்க சென்ற நான்,
சுந்தர தெலுங்கில் ‘அயன் ஆகி போயிந்தா!’ என்று சொல்லி கூட முடிக்கவில்லை,
என் தவ புதல்வன்,’என்னம்மா bad words பேசறீங்க ‘ என்று உருளாத குறையாய் சிரிக்க,
அவன் வாயை பொத்தி வீடு வந்து சேர்வதற்குள்,எனக்கு போதும், போதும் என்று ஆகி போச்சு!!! — feeling annoyed in Guntur.

 

என் பையனோட ஆர்வ கோளாறுக்கு,
ஒரு அளவே இல்லாம போச்சு! 
மார்க்கெட்டில்,அவன் பார்வைக்கு,
புதுசா எது பட்டாலும், 
வாங்கி உபயோகப்படுத்தி பார்த்து விட துடிப்பான்.. 
நேத்திக்கு கூட இப்படிதான்,
Garlic Paste டை , எடுத்து வந்தவன்,
‘இதையும் சேர்த்து பில் போட்டுடுங்க,
எப்படித்தான் இருக்குனு Brush பண்ணி பார்க்கணும்!!!!!!!!!!!! — feeling irritated in Guntur.

Childrens Hospital, வீட்டுக்கு பக்கமா எங்க இருக்குன்னு 
கூகுளில் தேடி கண்டு பிடிச்சாச்சு! 
முகவரியில் தெளிவாக குறிப்பிட்டு இருந்தார்கள்,
‘Near Bose Bomma Centre ‘
இதி எக்கட?? நு கேட்டு , நாலு பேர் கை காட்டிய வழியில்,
சத்தியமா எந்த பொம்ம கடையும் இல்லை..
தேடிய Hospital எங்க பார்வைக்குள் வந்த அடுத்த நொடி,
Mr.Bose தென்பட்டார்……..
.
.
.
.

நடுநாயகமாய் வீற்றிருந்தார் சிலையாய்!!! — at Kothapet, Guntur.