எண்ணங்கள் பலவிதம்

என் எண்ணங்களின் நீருற்று


13 பின்னூட்டங்கள்

சில எண்ணங்கள் -41

ஈயம் பித்தளைக்கு பேரீச்சம் பழம்
பீஎம் பதவிக்கு பேர் இச்சை பலம்!

படம்

எனக்கு பிடிக்காதவற்றை யாரேனும்
என்னை வாங்க வற்புறுத்தும் போது
அவர்கள் மனது நோகாமல் நானும்
சாமர்த்தியமாக அந்த இக்கட்டில்
இருந்து தப்பித்து கொள்ள சொல்லும்
பொறுத்தமான பொய்களில் ஒன்று..
‘என் கணவரிடம் கேட்காமல் நான்
எந்த ஒரு முடிவும் எடுப்பதே இல்லை..’

படம்

இப்பவே மனதில் உள்ளதை
சொல்ல நினைத்து முதலில்
ஒரு ஆச்சரிய குறியோடு
ஆரம்பித்து பின் இமைகள்
படபடக்க மூச்சுவிட கூட
மறந்து அருவியாய் வார்த்தைகளை
கொட்டி இடை இடையே காற்புள்ளி
அரைபுள்ளி சேர்த்து ஆங்காங்கே
பொறுத்தமான முகபாவங்கள்
காட்டி கடைசியில் ஒரு கேள்வி
குறியோடு   முடித்து விட்டு
ஆர்வத்தோடு எதிரில் இருப்பவர்
சொல்ல போகும் பதிலுக்காக
அவர் முகத்தை ஏறிட்டு பார்க்க
அவரோ.. என்னது திருப்பி சொல்லு..
என்று சொல்லுவார் பாருங்க அது
தாங்க தாங்கவே முடியாத லொள்ளு!!

படம்

எதிரே இருந்த வீட்டுக்கு
புதிதாய் குடி வந்த பெண்
தன்னை சுய அறிமுகம்
செய்து கொள்ள வந்தார்..
அவருக்கு 5 குழந்தைகள்
என்று சொல்லி கொண்டு
இருக்கும் போதே மம்மி
என்று அவரது 2 வயது
குழந்தை துள்ளி குதித்து
ஓடி வந்தது..
மம்மியா… நான் டீவீயில் Santoor
சோப் Ad பார்த்த பொழுது
கூட இவ்வளவு அதிர்ச்சி
அடைந்ததில்லை ஏனெனில் என்
எதிரே நின்று பேசியது மம்மி
அல்லவே 55 வயது மாமி!!

படம்

பழைய பேப்பரை அடுக்கி
கட்டி வெளியேற்ற எத்தனிக்கும்
நேரம் தான் அதில் வந்த
பல சுவாரசியமான விஷயங்கள்
கண்ணுக்கு புலப்படும்!!

படம்

ஏதேனும் விபரீதம் நம்
வாழ்வில் நடைபெறும் வரை
அவை உலகத்தில் உள்ள யாருக்கோ
எவருக்கோ மூன்றாமவருக்கே
நடைபெறுபவை என்று நம்
மனது முழுமையாய் நம்புகிறது!!

படம்

அதிர்ச்சியான விஷயங்களை
யாருக்கேனும் சொல்ல முற்படும்
போதும் யாரேனும் நம்மிடம் சொல்லி
விட்ட போதும் ஏதோ உயரமான
மலை உச்சியில் பிராணவாயு
குறைவால் மூச்சடைத்து நிற்பது
போன்றதொரு பிரம்மையை
தவிர்க்க இயலாது!!

படம்

என்னதான் நமதே நமதாக
இருந்தும் உள்ளிருக்கும்
சந்து பொந்து மேடு பள்ளம்
லொட்டு லொசுக்கு என்று
அத்தனை அந்தரங்களை
அறிந்திருந்தும் வெளியில்
சென்று விட்டு வீட்டு வாசலை
அடைந்தவுடன் பொறுமையாக
சிறிது நேரம் மீன் பிடித்த
பிறகே அகப்படுகிறது
சாவி என் கைபையினுள்ளே!!

படம்

‘ஆ….’ எவ்வளவு பெரிய மாத்திரை
என்று வாயை பிளக்காதீர்கள்
ஜஸ்ட் இரண்டு மாத்திரைகள் தான்..
தமிழ் இலக்கணம் அறிந்தவர்களுக்கு
மட்டும்!!

படம்


8 பின்னூட்டங்கள்

சில எண்ணங்கள் -34

போதுமா ஒன்னு போதுமா
ஆசை தீருமா??
.
.
.
.
.
பீடா!

Image

ஆட்டோவில் தனித்து
பயணம் செய்யும் போது
கூட வராத பயம்..
ஆட்டோவின் சீட்
தனித்து பிய்த்து கொண்டு
முன்னே வரும் போது
முந்தி அடித்து கொண்டு
வந்து விடுகிறது!!

Image

 

சன் லைட் பட்டவுடன்
ஆக்டிவேட் கூட ஆக வேண்டாம்
ஒரு லைட் எரிய கூடாதா
பேனா மேல ஒரு க்ரிஸ்டல்
வெச்சுட்டு விலை 80 ரூபாயாம்
இந்த அநியாயத்தை தட்டி
கேக்க யாருமே இல்லையா
க்ரிஷ்  பேனா!!

Image

 

மனம் நொந்து நூடுல்ஸ்
ஆகும் தருணம்..
மிக சுவாரசியமாக
எதேனும் புக் படித்து கொண்டே
ஸ்னேக்ஸ் உள்ளே தள்ளும் போது
திடீரென்று கைகள் தடவி பார்த்து
உணர்த்தும் தட்டு காலி என்பதை!!

Image

 

ப்பா.. என்னா மூளை
என்னா தைரியம்
என்னா தன்னம்பிக்கை
எவ்வளவு துன்புறுத்தினாலும்
இந்த கருமாந்திரம் புடிச்ச
சரவணபவன் டீயை குடித்து
முடிக்கும் வரை இவள் கவனம்
சிதறாது என்று மணிகட்டை
குறி பார்த்து ஸ்ட் ராங்கா ஒரு
கப் இரத்தம் குடிக்கும்
சென்னை சென்ட் ரல் ஸ்டேஷன்
கொசு!!

Image

 

வடகம் மீது திடீர் ஆசை 
வந்த பையனுக்காக எண்ணெய்யை
அடுப்பில் வைத்து விட்டு காத்து
நின்ற போது இன்னுமா பொறிக்கவில்லை 
என்று பொறுமை சிறிதும்
இன்றி வடகத்தை எண்ணெயில்
கவிழ்க்க வந்தவனை கண்டு
ஆக்கப் பொறுத்தவருக்கு இப்படி
ஒரு மைந்தனா என்று மனம்
நொந்தவாறே அவனை தடுத்து 
நிறுத்தி விட்டு சொன்னேன்
பொறு இன்னும் காயவில்லை…
என்னம்மா சொல்றீங்க வடகத்தை தொட்டு
பாருங்க இதுக்கு மேலாகவா காய
வேண்டியிருக்குது…
என் அறிவு கொழுந்தே
என் அவசர குடுக்கையே
நான் சொல்ல வந்தது இன்னும்
எண்ணெய் காயவில்லை என்று!!

Image

அம்மா சீக்கிரம் வாங்க
பாருங்க புதுசா ஒரு பென்
இதுல கேமரா இருக்கு
வீடியோ ரெகார்ட் பண்ணலாம்
16ஜீபீ Extendable Memory
எழுத வேற செய்யுமாம்
உண்மையான விலை ரூ.8000
ஆனா இங்க ஆர்டர் செஞ்சா
வெறும் ரூ.1990 மட்டும்தானாம்
சூப்பரா இருக்குல்ல ப்ளீஸ்
வாங்கி தர்றீங்களா..
டேய் இதெல்லாம் சுத்த வேஸ்ட்
போங்கமா நீங்க தான் சுத்த வேஸ்ட்
ஓஹோ.. அப்போ நான் அந்த பென்னை
ஆர்டர் பண்ணி வாங்கி தருகிறேன்
ஆனா ஒரு கண்டிஷன் இனி இந்த பெண்
உனக்கு எந்த விதத்திலும் உதவாது
சம்மதமா???

Image

 


14 பின்னூட்டங்கள்

சில எண்ணங்கள் -30

கதவிடுக்கில் நடந்த
கசமுசாவில் இப்போ
ஆறு மாசம்….
.
.
.
.
.
போல் காட்சியளிக்கிறது
நைந்து வீங்கி போன
என் நடு விரல்!!

படம்

 

ஏண்ணா!
என் கரியமிலத்தை வாங்கரேள்..
இப்படி தான் மரம் தன் உசுரை வாங்கும் கணவரிடம் பொறுமை இழந்து கேட்குமோ?? 

படம்

மருதாணியை காலில்
இடுவதை விட
மறந்து ஆணியை
கால் அடியில் இடும்
பொழுது நொடியில்
சிவக்கும் கால்கள்!

படம்

சாய்ந்து சாய்ந்து நான்
சாயுங்கால சூரியனை
ரசிக்க முனையும்
ஒவ்வொரு முறையும்
என் சாயலை ஒத்த
சாயா பின் தோன்றி
என்னை முறைப்பாள்!!

படம்

 

ஹெலெனின் ஒரு ஓர பார்வைக்கே
தன் நிலை மறந்து
உடல் சிலிர்த்து மயங்கி
பின் அவளை காண
கிடைக்காது அழுது
இரவெல்லாம் புலம்பி
காலையில் விடிய மறுத்து
முகம் கறுத்து
சலனம் சிறிதுமின்றி
பார்வை நிலைகுத்தி
ஏனோ தானோ என்று
விடிந்திருக்கிறது குண்டூர்!!

படம்

இரவிலே ஏற்பட்ட திடீர் பவர்கட்டால்
இருட்டிய சமையலறை உண்டாக்கிய
திகிலில் பகீரென்ற மனது சற்றே
நிதானித்து தன் நிலைக்கு வருவதற்குள்
அடுப்பிலே வெந்து கொண்டிருந்த 
திருப்பி போட மறந்த தோசை
கல் எது தோசை எது என்று பிரிக்க
முடியாத வண்ணம் இருட்டிவிட்டிருந்தது!!

 

 

படம்

ஒரு வாரம் பத்து நாளைக்குள்ள
எந்த க்ரீமும் உபயோகிக்காமலேயே
சிகப்பழகை பெற வேண்டுமா??
.
.
.
.
.
அடுத்த ஜென்மத்தில் மிளகாயாய் பிறக்க
இறைவனிடத்தில் இடைவிடாது
பிராத்தனை செய்யுங்கள்!!

படம்


6 பின்னூட்டங்கள்

சில எண்ணங்கள் -8

கண்கள் இமை கொட்ட மறந்து
கருவிழிகள் நிலையில்லாமல் அலைந்து
இன்றே முடித்து விட துடித்து
அத்தகைய ஆர்வ வெறி
தீரும் வரை கருக் முருக்
என்று பசி இல்லாமலே 
நொறுக்கு தீனிகளை
வெறியாய் கபளீகரம்
செய்து கொண்டு ஒருவர் இருப்பாராயின்
அவரே 100% புத்தக புழு!!

படம்

 

துன்பம் வரும்
ஒவ்வொரு நொடியும்
பூவாய் சிரித்து
பிறரையும் மகிழ்விக்கும்
பெருமை பொறியும் அத்தனை
சோள முத்துகளையும் சாரும்
பாப்கார்ன்!!

படம்

பேசா மடந்தையாய்
கடை தெருவுக்கு சென்று
வேலைகளை முடிக்கும் என்னையும்….
‘சூடண்டி..
ஒக்க பாட்டிலுக்கு ஒக்க பாட்டில் ஃப்ரீ’
என்று பில் போடும் கடை பணியாளர்
கவனிக்க தவறிய 1+1 ஆபரை…
பேச தயங்கிய அந்நிய பாஷையில்
ரௌண்டு கட்டி பேச வைத்தால்
அதுவே ஆபர் செய்யும் மகிமை!!

படம்

 

ஆசை நரைக்கும் முன்னரே
மீசை நரைத்து விடுகிரது
.
.
.
.
கப்பில் பால் குடிக்கும் குழந்தைகள்!!

படம்

அம்மா : What do Hawkers sell in Railway Station?
பையன்: Hawkers sell various things such as, Books….. Books…..Books……….!!!
பொறுமை இழந்து போய் அம்மா சொல்லுவா……
ஆமா..புக்க மட்டும் எல்லாரும் வித்துட்டு இருந்தா அன்னைக்கு வியாபாரம் அவங்களுக்கு விளங்கினா மாதிரி தான்!!

 படம்