எண்ணங்கள் பலவிதம்

என் எண்ணங்களின் நீருற்று


4 பின்னூட்டங்கள்

சில எண்ணங்கள் -16

கொசுக்களுக்கு வெண்டக்காய்
ரொம்ப பிடிக்குமோ!!
.
.
.
.
.
.
என் விரலை மட்டும் ஏன்
இந்த கடி கடிக்குது!!

படம்

 

திடுதிப்பென்று வீட்டினுள் வருவார்
இந்த அழையா விருந்தாளி
திருப்பி வீட்டை விட்டு கிளம்புதற்கு முன்
வீட்டில் உள்ள அத்தனை பேரையும்
ஒருத்தர் மாத்தி ஒருத்தராய் கட்டி
அரவணைத்து பிரியா விடை குடுத்தே
செல்வார் இந்த பாசக்காரர்
.
.
.
.
.Viral Infection!!

படம்

 

யாரொருவர் மிகுந்த துயரத்தில்
விக்கி விக்கி அழுதாலும்
நீங்கள் அவருடைய துயரை
துடைக்க பெரியதாக எதுவும்
செய்யாவிட்டாலும், ஒரு டம்ளர்
தண்ணியாவது குடிக்க குடுங்கள்
அவர் விக்கலை நிறுத்துவதற்கு!!

படம்

ஒரு திரைப்படத்தை கண்டு
முடித்த பின்னரும் மூன்று 
நாட்கள் வரை தூக்கம் வரவில்லை
என்றால் அது திகில் படம்..
அதே தூக்கம் ஒரு திரைப்படத்தை
பார்த்து கொண்டிருக்கும் பொழுதே
மூன்று தடவை வந்தால்
அது துயில் படம்!!

படம்


4 பின்னூட்டங்கள்

வாங்க பீட்சா வை ருசிக்கலாம்

படம் சூடாக பரிமாறப்பட்ட சில நிமிடங்களிலேயே , நமக்கு ஆர்வ பசியை தூண்டி விடுகிறது இந்த பீட்சா! ஆங்ஆங்கே சிரிப்பு வெடிகளை வேறு சொருகி நம் வயிற்றை சிறிது பதம் பார்க்கிறார் அறிமுக இயக்குனர் கார்த்திக் சுப்புராஜ்! வெறும் டார்ச் லைட்டை மட்டும் பயன்படுத்தி இவ்வளவு பயமுருத்தமுடியுமா, ஆச்சரியம்தான்! இருட்டிலே நம் சொந்த வீட்டில் நடமாடுவதற்கே பயமாக இருக்கும், இதுல தெரியாத ஒரு வீட்டில், அதுவும் கரண்ட் இல்லாத நேரத்தில், யப்பப்பா திக் திக் நிமிடங்கள்!! ரொம்ப நாள் கழித்து ஒரு பயமுறுத்தும் திகில் படம், நாற்காலியோடு  ஒன்றி, கைகளால் அப்பப்ப கண்ணையும், வாயையும் பொத்தி பொத்தி ரசித்தேன்! இருட்டில் செல் போன்களும், லேன்ட்லைன் போன்களும் மாறி மாறி அலறி, என்னை உள்ளுக்குள் அலற வைத்து விட்டது! திரையில் போன் ரிங் அடித்த அதே நேரம் என் செல் போனும் அலறி , சிறிது என் வயற்றில் புளியை கரைத்து புளி குழம்பே வைத்து விட்டது! அந்த பேய் பங்களாவில் ஏன் அத்தனை மரபாச்சி பொம்மைகள், எல்லாம்  குச்சி கைகளை நீட்டி கொண்டு பயமுறுத்தியது ! ஒரு கட்டத்தில், கதையின் நாயகனுக்கு மன நிலை சரி இல்லையோ என்று நினைத்தால் , நமக்குதான் மனம் ஒரு நிலையில் இல்லை என்று சீக்கிரமே புரிய வைத்து விடுகிறார்கள்! ஒரு வழியாக பேய் கதையை முடித்து விட்டார்கள் என்று சீட்டில் சாய்ந்து உட்கார்ந்தால், படம் முடிய போகும் தருவாயில், நிஜமாகவே பேய் கதையை ஆரம்பிக்கிறார்கள்!!