எண்ணங்கள் பலவிதம்

என் எண்ணங்களின் நீருற்று


7 பின்னூட்டங்கள்

சிரிக்கலாம் வாங்க-5

laughing

இமை மூடி திறப்பதற்குள்,
மீண்டும் அது நிகழ்ந்துவிட்டிருந்தது,
மோசமாய் கசங்கி, ஈரமாய், பழுப்பேரிய நிறத்தில்,
இருந்த சண்டே மேகசின் பேப்பரை,
கையில் பிடித்தவாறு,ஙே!! என்று விழிக்க,
ஒரு நொடி முன் ,ஒடி வந்து,
கழுத்தை இருக்க கட்டிய
கடைகுட்டி பையன்,
டீ கொட்டியது பத்தாது என்று,
அன்பையும் சேர்த்து கொட்டி கொண்டிருந்தான்,
என் கன்னத்தில் !!

 

சட்னி அரைப்பதற்க்காக,
ஓட விட்ட ,
மிக்ஸ்யின் திடீர் ,
அலறல் சத்தம் கேட்டு,
மறைந்து இருந்த,
இடத்தை விட்டு,
உயிரை கையில்,
பிடித்து கொண்டு ,
திடு திடுவென்று,
ஜன்னல் பக்கமாய்,
ஓடிய மரபல்லியை,
பார்த்து, நானும்,
வீ ல்……………………
என்று அலறி கொண்டே ஓடினேன்!!!

 

புதுசா இருக்கும் போது,
அலுங்காம, குலுங்காம,
ரொம்பவும் சூதானமாய்,
கையாளப்படும் பாத்திரங்கள்,
கொஞ்சம் ஈ…… என்று,
பல் இளித்தவுடன்,
டமால், டுமீல் என்று,
கையாளப்படுவது,
சமயலறையில்,
மறைந்திருக்கும்,
கசப்பான உண்மையில் ஒன்று!

 

இந்த திங்கட்கிழமை எல்லாம்,
எதுக்கு தான் வருதோ,
பாசக்காரங்க எல்லாம்,
பகையாளிகளா மாறிடறாங்க…
எட்டு மணிக்குள்,
ஸ்கூலுக்கு கிளம்பும் என் பிள்ளைகள்!!