எண்ணங்கள் பலவிதம்

என் எண்ணங்களின் நீருற்று


8 பின்னூட்டங்கள்

சில எண்ணங்கள் -33

வஞ்ச புகழ்ச்சி யாவரும் அறிவர்..
வஞ்ச அக்கறை யாரும் அறிந்ததுண்டோ?
அதிகாலை நேரம் துகில் கலைய மறுத்த
பையனை அரும்பாடுபட்டு எழுப்பி
பின் ஒருவாறு குளியலறை அனுப்பி
அவன் குளித்து முடியும் வரை பொறுத்திருந்து
பின் அவனுடைய ஈரத் தலையை துடைத்து
விடுகிரேன் என்ற பெயரில் தலையை 
துண்டால் நற நற.. வென துடைத்து
அவன் மூளைக்கு செல்லும் ரத்த 
ஓட்டத்தை அதிகரித்து புத்துணர்ச்சி
அளித்ததோடு மட்டுமல்லாமல் என்னுள்ளே
பொருமி கொண்டிருக்கும் கோபமும்
கத்தி தீர்க்காமல் சாந்தமாய் வெளியேறவும்
வழி வகுக்கிறது!!

Image

கணவர் செய்யும்
மன்னிக்கவே முடியாத
குற்றங்களில் ஒன்று..
.
.
.
சீப்பா கிடைத்தது
என்ற ஒரே ஒரு 
காரணத்துக்காக
2 கிலோ மூன்று கிலோ
ஏதேனும் ஒரு காய்கறியை
தன் சிறிய குடும்பத்துக்காக
வாங்கி வந்து குவிப்பது!!

Image

காதல் பொங்கி வழிந்தது!!
.
.
.
.
.
குழம்பு கூட்டு பொரியல்
பக்காவா ரெடி பண்ணிட்டு
சோறு பொங்க நான் மறந்து
விட்ட போதிலும் ஆங்கார
பசியிலும் பத்து நிமிடம்
கோபம் பொங்காமல் பொறுமை
காத்த அன்பு கணவர் மேல் 
மேல் இருந்து படிக்கவும்..

Image

 

நல்ல உச்சி வெயிலில்
கதவை திறந்து பார்த்து
விட்டு யாரு இங்க வெட்டியா
லைட்ட போட்டு வெச்சிருக்கா
என்று அவசர அவசரமா
ப்ரிஜ் உள்ளே அதை அணைப்பதற்க்கு
ஸ்விட்சை தேடுனீங்க என்றால்
பெருமை பட்டு கொள்ளுங்கள்
நீங்க தான் உண்மையான
மின் சிக்கனவாதி!!

Image


2 பின்னூட்டங்கள்

சில எண்ணங்கள் -24

மதியம் உண்ட மயக்கத்தில்
சொக்கிய கண்களையும்
ஒரு நிமிடம் விரித்து 
கணக்கு புத்தகத்தை திறந்து 
பார்த்து வியந்தேன்
என்ன இது ப்ரிண்டிங் மிஸ்டேகா??
The smallest four digit number is 1111
1000 இல்லையா??
ரொம்ப தெளிவா பையன் சொன்னான்
நல்ல பாருங்க அம்மா
அது True or False!

படம்

பல் வலி தோன்றிய
மறு நொடியே
நம் கண்ணீர் குடத்தை
உடைத்து விட்டு பிறந்து
விடுகிறது ஞானம்
இனியாவது பல்லை
சரியாக பேண வேண்டும் என்று!

படம்

யாரு இந்த தெலுங்கானா Aunty?
என்பதில் ஆரம்பித்து
Anti Virus
Anti Hero
Anti corruption
அத்தனை வார்த்தைகளின்
பொருளையும் ஒருங்கே
அறிந்து கொண்டான் 
என் தவபுதல்வன்!

படம்

இப்போதெல்லாம் என் கைபேசியில்
வரும் குறுஞ்செய்தியில் இன்னிக்கு
பந்த் தா இல்லை பந்த் இல்லையா
என்பதை பொறுத்தே என் 
காலைகள் விடிகின்றன! — in Guntur.

படம்

எனக்கு இன்ப அதிர்ச்சியையும்
என் பசங்களுக்கு தாள முடியா
துக்கத்தையும் குடுத்த ஒரு செய்தி
இன்னிக்கு ஸ்கூல்!

படம்

எதிர்பார்த்து காத்திருந்த காலை
6 மணி முதல் மாலை 7 மணி வரை
தொடர்ச்சியாக ஏற்படும் மின் தடை
இல்லாமல் போனதால் நிம்மதி பெருமூச்சு
விட்டது நான் மட்டும் அல்ல
என் வீட்டு குளிர்பதன பெட்டியில்
உள்ள காய்கறிகளும் தான்!

படம்

 


4 பின்னூட்டங்கள்

சில எண்ணங்கள் -1

சிக்கனம் பற்றி,
அவ்வப்பொழுது யோசித்தாலும்,
மனது அலெர்ட் ,
ஆவது என்னவோ,
பொருள் காலியாக,
போகவிருக்கும்,
கடைசி தருணத்தில்,
மட்டும்தான்!!!

படம்

 

 

சில்லுனு ஒரு காற்று,
இதமான தூறல்,
ஈரமான செடிகள்,
ஒளி வெள்ளத்தில், 
சிகப்பு, பச்சை, மஞ்சள், பர்பிள் என,
கலர், கலராய்,
மனம் மயங்க ,
கண்கள் கூச,
கால்கள் மட்டும்,
சதக் சதக் என்று,
சொருகி கொண்டே வந்தது ,
 புதை மணலுக்குள் …..
.
.
.
மழை கால ,
மாலை நேர காய்கறி சந்தை!!!!
படம்
 
 
நம்ம எதிர்ல யானை, பல்லி ,
இதுல எது குடு குடுன்னு,
ஓடி வந்தாலும்,
நமக்கு திக்கு திக்குன்னு இருக்கும்,
ஏன் தெரியுமா….??
.
.
.
யானை நம்மை மிதித்து விடுமோ,
இல்லை பல்லியை நாம மிதித்து விடுவோமோ என்று!!!
படம்