எண்ணங்கள் பலவிதம்

என் எண்ணங்களின் நீருற்று


12 பின்னூட்டங்கள்

சில எண்ணங்கள் -50(இரண்டாம் ஆண்டு நிறைவு பதிவு )

நமக்கு இந்த ஸ்வீட் எல்லாம்
ஆகவே ஆகாது என்று அதை
வாங்கி வந்தவரை அட்வைஸ்
செய்யாமல் விட்டதும் இல்லை
அதன் பின்னே வாங்கி வந்த
ஸ்வீட்டை ஒரு பிடி பிடிக்காமல்
விட்டதும் இல்லை!!

Indian Sweets

செல்லரித்த ஏடுகளும்
புல்லரிக்க வைக்கும்…
பல் போன வயதினரின்
பால்ய வயது புகைப்படங்கள்!

 

images (9)

 

பார்வை ஒன்று போதும்
சோர்வடைந்து விடாது
கோர்வையாய் கவிதைகள் கிறுக்க!

How-to-Improve-Eyesight-Naturally

 

அதிகாலை சூரியனை சுட்டி காட்டி
‘சூரிய’ என்று தமிழில் உரைத்த
என் குட்டிப் பையனை கண்டு வியந்து
பெருமிதம் கொள்ள மாட்டாது இறக்கைகள்
இல்லாமலேயே உயரே உயரே பறந்த
என்னை ஒரே நொடியில் தரை இறக்கினான்
‘காந்தி ‘என்று அடுத்த வார்த்தையை உதிர்த்து!!

sun

 

தூரத்தில் தெரிந்த வெளிச்சம்
நோக்கி நடந்தேன் உயிர் மீண்டு
வந்தேன் என்று ‘கோமா’வில்
இருந்து நினைவு திரும்பியவர்
சொல்ல கேட்டதுண்டு..
தூரத்தில் தெரிந்த வெளிச்சத்தின்
மேல் கொண்ட’மோக’த்தில் அதை நோக்கி
பறந்து செல்லும் விட்டில் பூச்சிகள்
மட்டும் உயிர் மாண்டு போவது ஏனோ??

images (10)

 

 

அம்மா : Animals தமிழில் என்னவென்று சொல்லுவாய்
பையன் : பசுக்கள்.. மாடுகள்!!
அம்மா : தப்பு.. தப்பு
பையன்: Clue ஏதாவது குடுங்க
அம்மா : திருடனை பிடித்தவுடன் அவன் கையில என்ன மாட்டுவாங்க?
பையன்: watch.. chain.. மோதிரம்!!!
அம்மா: டேய்.. திருடன் என்ன மாப்பிள்ளையா ??
பையன் :அடுத்த clue?
அம்மா : ‘வி ‘ என்ற எழுத்தில் தொடங்கும்..
பையன் : Got it.. விலங்குகள்

images (11)

 

 

கனியுண்டு காயுண்டு வாழ்பவர்க்கு
நோயின்றி வாழ இறைவனின்
கனிவுண்டு காயாத வாழ்வுண்டு!!

scientistssay

 

ஒருவற்கு யாதேனும் ஒரு விஷயம்
‘பிடி’த்திருக்கிறதா இல்லை பிடிக்கவில்லையா
என்பதனை அவ்விஷயங்கள் சார்ந்த
உரையாடல்களின் போது அவர் ‘பிடி’
கொடுத்து பேசுகிறாரா என்பதனை
பொறுத்து கண்டு ‘பிடி’த்து விடலாம்!

images (12)


4 பின்னூட்டங்கள்

எலுமிச்சம்பழம் கட்டாத ராக்கெட் எப்படிப் பறக்கும்?

ஆறுமுகம் அய்யாசாமி

காட்சி 1
………….
இடம்: வெள்ளை மாளிகை டைனிங் ஹால், அமெரிக்கா
………………………………………………….
மிசேல்: சேச்சே, மானமே போவுது, ஏந்தான் நீங்க பிரெசிடென்ட் ஆனீங்களோ, என் பிரெண்ட்ஸ் எல்லாத்துக்கும் பதிலே சொல்ல முடியலே, வெளில தலைகாட்ட முடியல!
ஷாஸா: எனக்குந்தாம்மா, என் பிரெண்ட்ஸ், டீச்சர்ஸ் எல்லாரும் கேலி பண்றாங்க. காலேஜ் போகவே புடிக்கலை!
ஒபாமா: என்ன ரெண்டு பேரும் நை நைன்னு பேசீட்டே இருக்கீங்க, எனக்கு இருக்க பிரச்னைல நீங்க வேற, ஒரே தொணதொணப்பு!
மிசேல்: பின்ன என்ன? ஒரு ராக்கெட் ஒழுங்கா விடறாங்களா? தப்பித்தவறி ஒண்ணு விட்டா, பத்து ராக்கெட் வெடிக்குது, இந்த நாசாக்காரங்கள எல்லாம், கழுத மேய்க்க விட்டாத்தான் புத்தி வரும்!
ஒபாமா: ச்சே… என்ன பண்றதுன்னே தெரியலை. கேட்டா, அது இதுன்னு காரணம் வேற சொல்றாங்க…!
மிசேல்: இந்த இந்தியாக்காரங்கள பாருங்க, செவ்வாய் கிரகத்துக்கே ராக்கெட் விட்டுட்டாங்க, இன்னும் என்னவெல்லாம் பண்ணப் போறாங்களோ, பேசாமா உங்காளுங்க எல்லாரையும், இந்தியாவுக்கு டிரெய்னிங் அனுப்பிடுங்க. இல்லைன்னா, நாசா காண்ட்ராக்ட் எல்லாத்தையும் இந்தியாக்காரங்களுக்கு கொடுத்திடுங்க, வெடிச்சாக்கூட, பழியை அவங்க மேல போட்டுடலாம்.
ஒபாமா: ஸ்டுப்பிட் மாதிரி பேசக்கூடாது மிசேல். ஏதாச்சும் நல்ல உருப்படியா ஐடியா இருந்தா சொல்லு!
மிசேல்: ஒரே ஐடியாதான். நேரா இன்டியன் பி.எம்., மோடி கிட்ட பேசுங்க. அவுங்க ராக்கெட் விடறக்கு என்னவெல்லாம் டெக்னாலஜி பாலோ பண்றாங்கன்னு கேளுங்க, கொஞ்சம் நாசாக்காரங்களுக்கு ஹெல்ப் பண்ணச்சொல்லுங்க. அந்தாளு நல்ல மனுசன். நீங்க…

View original post 1,213 more words


9 பின்னூட்டங்கள்

சில எண்ணங்கள் -49

தன் கைவரிசையை பிறன் மனைகளில்

காட்டி விலை மதிப்புள்ள பொருட்களை

கவர்ந்து செல்பவன் கள்ளன்..

தன் கைவரிசையை விலை மதிப்புள்ள

பொருட்களில் காட்டி பிறர் மனம்

கவர்ந்து செல்பவன் கொல்லன்!

usb

எட்டி நின்று விட்டால்

எட்டி விட கூடியவை கூட

எட்டாது போய் விட கூடும்!

tumblr_mrlptr0Mpm1qc4uvwo1_400

தான் தேடிய பொருள்
தன் கண்ணெதிரே
இருந்த போதும்
கண்டெடுக்க தெரியாமல்
கண்ணு மண்ணு தெரியாது
தேடி அலைந்து திரிவர்
தன் துணைவி அதை
கையிலெடுத்து
கொடுக்கும் வரை…..
தன் இத்தகைய குண நலன்
தெரிந்து தான் கணவன்
உஷாராக தன் மனைவியை
என் கண்ணே என்று
அவ்வப்பொழுது விளிக்கின்றனரோ!

05

நான் சொல்வதற்கு எல்லாம்
என் கணவர் அதை ஆமோதிக்கும்
விதமாய் பலமாய் தலை ஆட்டுவார்…
பெருமை பட்டுக்க வேண்டியது தான
என்று நீங்கள் சொல்வது காதில் விழுகிறது
இருந்தும் பொரும தான் தோணுது
பின்னே நான் ஒரு விஷயத்தை ஆரம்பித்து
சொல்லி முடிப்பதற்குள்ளாகவே அவசர அவசரமாய்
தலையை ஆட்டிவிட்டு தன் வேலையில்
மூழ்கி விட்டால் பொருமாமல் என்ன செய்வது!

Screen-shot-2013-08-30-at-6.04.27-PM

நமக்காக யாரு எவரு எவை
காத்து கிடக்குதோ இல்லையோ
நாமே நம் கையால் ஆரம்பித்து
விட்டு பாதியிலே விட்டு சென்ற
வேலைகள் அத்தனையும் நம்
வருகைக்காக நிச்சயமாக வழி
மேல் விழி வைத்து காத்து கிடக்கும் !

busy-wife


15 பின்னூட்டங்கள்

சில எண்ணங்கள் -48

அம்மா : 1 to 50 சொல்லு

பையன் : 1 2 3 4 5 6 7 8 9 10

11 12 13 14 15 16 17 18 19 20

21 22 23……….!!!!!!

அம்மா : என்னடா திரு திருன்னு முழிக்கிற…..

23 அதுக்கு அப்புறம் என்ன வரும் ?

பையன் : பாத்ரூம்

அம்மா :ஓடுடா … ஓடுடா …..

boy

 

 

இதில் போடப்படும் அனைத்தும்

கோவிலுக்கே சொந்தம் என்று

போர்டு ஒன்று தான் எழுதி மாட்ட

வில்லை மற்றபடி typical ஆளுயர

மஞ்சள் துணி சுற்றிய பெருமாள்

கோவில் உண்டியலின் பக்கவாட்டில்

காணிக்கை செலுத்துவதற்காக

ஏற்படுத்தப்பட்ட ஓட்டை வழியாக

தன் மண்டையை நுழைத்து ஆராய்ச்சி

செய்த தன் மைந்தனின் செயல்

சகிக்காமல் அவன் காதில் கிசுகிசுத்தாள்

அன்னை… டேய்… what is this???

அவனும் தன் ஆராய்ச்சியை தொடர்ந்தவாரே

பதிலளித்தான்.. உண்டியல் அம்மா!!!

what_

 

 

துப்பு கெட்ட  விஷயமாக

இருந்தாலும் துப்பு துலக்காமல் தப்பு

யார் மீது என்று கை காட்டுவது தப்பு!

 

images

வர்ஷம் அதிகம் இல்லாத

ஊர்களில் எல்லாம் ஒவ்வொரு

நிமிஷமும் வருஷம் தான்!

RAIN

 

கோ பத்தினால் என்ன லாபம் ??

.

.

.

.

.

.

.

.

.

அதன் பால் உற்பத்தி திறனையும்

1 லிட்டர் பாலுக்கு நிர்ணயிக்கப்பட்ட

விலையையும் பொறுத்தது!

10 cows

 

பானி பூரி சாப்பிட என்றே

ஒரு தனி பாணி உண்டு

நாலு பேரு முன்னிலையில்

புசிக்கும் போது எங்கே நம்

மரியாதை கெட்டு விடுமோ

என்ற அச்சத்தில் முடிந்தும்

முடியாமல் ஒரே வாயில்

பூரியை திணித்து விழுங்கிட

தயுவு செய்து முயற்சி செய்யாதீர்..

யார் கண்டார் பின் தங்களுக்கு

இறுதி மரியாதை செய்ய நேரிடும்!

PANI

 

 

என்னமா.. எப்படி இருக்க?

என்று என்னை கேட்பதற்கு

பதிலாக என் வீட்டு குக்கரில்

அவிந்து கொண்டிருக்கும்

அவரைக்காயை கேட்டால்

என் நிலை சொல்

லுமே!

 aeternum-pressure-cooker-ready-to-cook


11 பின்னூட்டங்கள்

எனக்கும் ஒரு விருது 

எனக்கும் ஒரு விருது

இந்த உயர்ந்த விருதை என்னுடன் பகிர்ந்து கொண்ட யாழ்பாவணன் ஐயாவுக்கு முதலில் என் நன்றி! இதற்கு நான் தகுதி ஆனவள் தானா நான் அறியேன் ! நான் எனக்கும் ஒரு விருது கொடுப்பார்கள் என்று கனவிலும் நினைத்ததில்லை… வலையுலகத்தில் இனி வரும் காலங்களில் இன்னும் சிறந்த பதிவுகளை நம் தாய் மொழியாம் தமிழ் மொழியில் கண்டிப்பாக பகிர்வேன் என்ற நம்பிக்கையுடன் எனக்கு தெரிந்த சில பதிவர்களுடன் ‘யான் பெற்ற இன்பம் பெருக இவ்வையகம் ‘ என்ற உணர்வோடு இந்த விருதை மகிழ்ச்சியோடு பகிர்ந்து கொள்கிறேன்!

http://mvnandhini.com/

http://mazhaipookal.wordpress.com/

http://madurakkaran.wordpress.com/

http://vithyasagar.com/

http://manikandan89.wordpress.com/

 

நன்றி!

 

 

 

 


5 பின்னூட்டங்கள்

வலைப்பதிவர் விருது சின்னப்பொடியன் யாழ்பாவாணனுக்குமா?

தமிழை பேணி பாதுகாக்க தன்னால் ஆன முயற்சிகளை எடுத்து செயல்படும் யாழ்பாவணன் ஐயா அவர்களே… உங்களுக்கு முதற்கண் என் மனமார்ந்த வாழ்த்துக்கள்! தாங்கள் பெற்ற விருதை எனக்கும் பகிர்ந்து அளித்தமைக்கு என் உளமார்ந்த நன்றிகள்! உங்களின் இந்த பதிவை பெருமையோடு என் தளத்தில் பகிர்ந்து கொள்கிறேன்.. நன்றி!


14 பின்னூட்டங்கள்

ஒரு கல்லிலே மூன்று மாங்காய்

dental002

 

வலி வரும்

 

வரையில்

 

 

 

யாரும்

 

 

 

பல் ஆஸ்பத்திரிக்கு

 

 

 

வழி தேடுவதில்லை !

 

 

 

ஆம்! நீங்கள் மனதில் நினைத்தது சரி தான் ! இது தொல்லை குடுத்த பல்லை பற்றிய பதிவு தான் !இன்னிக்கு நேத்து இல்லை பல்லு வலி நாலு வருஷத்துக்கு முந்தியே ஆரம்பித்து விட்டது ! பல் வலியை சரி செய்ய நேரமே இல்லை.. சிறு குழந்தைகளை வீட்டில் விட்டு விட்டு எங்கனம் பல்லை சரி செய்வது.இருந்தும் ஒரு வார கடைசியில் பிள்ளைகளை கணவரின் பொறுப்பில் விட்டு விட்டு பல் மருத்துவரை பார்க்க சென்றேன்!

 

பல் மருத்துவருக்கு என் பல்லின் மீது இருந்த அக்கறையை காட்டிலும் பர்ஸின் மீதே அக்கறை அதிகமாக இருந்ததை அவரின் பேச்சு வெளிபடுத்தியது… வெட்டியாக அவருக்கு கன்சல்டேஷன் பீஸ் அழுது விட்டு கிளம்ப எத்தனிக்கையில் அவருடைய கெட்ட நேரமோ என்னவோ பல் கூச்சத்தை கட்டுபடுத்தும் sensitivity toothpaste sample ஒன்றை குடுத்து அனுப்பினார்! எனக்கு அது நன்றாகவே வேலை புரிந்தது ! அது தற்காலிகமாக வலியை நிறுத்தியது நிறுத்தியது . அது நிரந்தர தீர்வு அல்ல என்பதை மனம் அறிந்திருந்தும் மருத்துவரிடம் செல்லாமல் நாட்களை கடத்த துணை புரிந்தது !

 

 

 

ஆச்சு இப்போ நாலு வருஷம் ஆச்சு ! அதே வலி வழி தேடி வந்து சேர்ந்தது. இப்போதும் நேரம் இல்லை தான்..இருந்தும் கணவரின் வற்புறுத்தலின் பெயரில் ஒரு அதிகாலை பல் மருத்துவரை தேடி சென்றேன் ! நாங்கள் இப்போது இருக்கும் இடத்தில் தடுக்கி விழுந்தா ஏதேனும் மருத்துவரின் காலில் தான் விழ வேண்டும் . அத்தனை மருத்துவமனைகள் இருக்கின்றன வீட்டை சுற்றி ! வீட்டுக்கு அருகாமையிலேயே ஒரு நல்ல பல் மருத்துவமனை இருந்தது ! பொறுமை சிறிதும் இன்றி மருத்துவருக்காக காத்து கிடந்தேன்! ஒரு வழியாக 11.30 மணிக்கு மருத்துவர் வந்து சேர்ந்தார். முதல் ஆளாய் நுழைந்த என்னை கொஞ்சம் கூட நேரத்தை வீணடிக்காமல் பல்லை ஆராய்ந்து பல்லை புடுங்குவதற்கு நாள் குறித்தார் ! கூடவே கை நிறைய ஆன்டிபயாடிக் மாத்திரைகள். ஒரு நாள் களித்து வர சொல்லி விட்டு அடுத்த ஆளை கவனிக்க ஆயுத்தமானார்..

 

பல் பிடுங்க மருத்துவர் குறித்து குடுத்த நாளும் வந்தது . நான் காலையிலேயே மருத்துவரை கைபேசியில் தொடர்பு கொண்டு பல் பிடுங்குவதற்கான நேரத்தை பேசி வைத்து கொண்டேன் . நான் கண்டிப்பாக அவரிடம்தெரியப்படுத்த நினைத்த விஷயம் நான் 1 மணிக்கு என் வீடு வந்து சேர்ந்து விட வேண்டும் என்பதை தான். ஸ்கூல் விட்டு வரும் குட்டி பையனை காக்க வைத்து விட கூடாது என்ற எண்ணத்தில் . ஒரு வழியாக 11.30 மணிக்கு மருத்துவமனையை அடைந்தேன் . இதற்கு முன் வந்த போது எழுதி குடுத்த antibiotic மாத்திரைகளை ஒழுங்காக எடுத்து கொண்டேனா என்பதை நிச்சய படுத்தி கொண்ட பின்னர் ஊசியும் , Local Anesthetic இரண்டையும் வாங்கி வர செய்தனர் . ஊசியை கண்டவுடன் இது வரையில் இல்லாத நடுக்கம் உடம்பு முழுவதும் பரவியது! நான் மருத்துவரை காண வேண்டிய நேரமும் வந்தது ….

 

my-dentist_o_841414

 

பயத்தோடு உள்ளே நுழைந்தேன் ! வாயை திறக்க செய்து ஊசியை நாலாபக்கமும் குத்தி தள்ளினர்! பின்னே சும்மாவா..இரண்டு பல் அல்லவா பிடுங்க வேண்டும் .ஊசியை போட்டு முடித்த பின்னர் 10 நிமிடங்கள் காக்க வைத்தனர். அப்பாடா கொஞ்ச நேரம் என்ன தனியா விட்டால் சரி தான் என்று நானும் வெளியே சென்று அமர்ந்தேன் . முதலில் ஒன்றும் தோன்றவில்லை … கொஞ்ச கொஞ்சமாய் மருந்து தன் வேலையை செய்ய ஆரம்பித்திருந்தது . என் வலது பக்க மூக்கின் வழியாய் மூச்சை விடுவது சிரமமாக இருந்தது . பின் வலது பக்க கண் இமைகள் வேலை புரியவில்லை …. சம்பந்தம் இல்லாமல் இருமல் வந்து தள்ளியது! இப்படியாக ஊசி போட்ட இடத்தை சுற்றிலும் உணர்ச்சியற்று மரத்து போனது .திரும்பவும் உள்ளே அழைத்தார் பல் மருத்துவர் …

 

funny-giraffe-tongue-out-dentist-inject-novocaine-pics

 

மருத்துவர் மிகுந்த அக்கறையோடு விசாரித்தார் .. பல்லை சுற்றிலும் மரத்து விட்டதா இல்லை இல்லையா ?? நான் கடிகாரத்தை பார்த்து கொண்டே பதிலளித்தேன் ‘ மரத்து போனாற் போல் தான் இருக்கிறது ‘ என்று … மருத்துவருக்கு என் மீது இருந்த அக்கறை கூட எனக்கு என் மீது இல்லை . பையன் ஸ்கூல் விட்டு வருவதற்கு முன்னே வீடு சென்று விட முடியுமா என்ற நினைப்பு மட்டுமே மனது முழுவதும் . மருத்துவர் என் மீது நம்பிக்கை இல்லாதவராய் ஒரு முறை எதையோ வைத்து என் பல்லை அடித்து பார்த்தார் . நான் எந்த ஒரு உணர்ச்சியும் முகத்தில் காட்டாததை கண்டு நம்பிக்கை வந்தவராய் பற்களை பிடுங்க ஆயுத்தமானார் …

novocainecurve

 

 

நான் என் கண்களை முடிந்த மட்டும் சிக்கென்று மூடி கொண்டேன் . என்ன மாய மந்திரம் செய்தாரோ இரண்டு பற்களையும் இரண்டு நிமிடங்களுக்குள்ளே பிடுங்கி விட்டார் . சரி முடிந்தது தொல்லை என்று ஆசுவாசப்படுத்த நினைத்த நிமிடத்தில் இடப்பக்கம் இருந்த ஒரு சொத்தை பல்லை பிடுங்க ஆயுத்தமானார் .. ஐயையோ..இந்த பக்கம் ஊசியே போடவில்லை என்று சொல்லி கொண்டிருக்கும் போதே அதையும் வலியின்றி போட்டு தள்ளினார் . ஆக மூன்று பல்லை போட்டு தள்ளி அந்த மூன்று இடங்களிலும் பஞ்சை வைத்து அடைத்து 20 நிமிடத்துக்கு வாயை திறக்கவோ வாயில் இருப்பதை துப்பவோ முயற்சி செய்ய வேண்டாம் என்ற அறிவுரையோடும் , மாத்திரைகளோடும் வழி அனுப்பினர் ….

 

பல்லு புடுங்கியாச்சு ! இனி வீட்டுக்கு போகலாம்னு பாத்தா நல்ல மழை.. நடந்து போனா பத்தே நிமிடத்தில் வீட்டை அடைந்து விடலாம் .. ஆனால் என் வாயை அடைத்து கொண்டிருந்த பஞ்சுகளுக்கு என்னை விட மோசமான ஒரு பொறுமை ! ஒரு ஆட்டோ வை கை காட்டி நிறுத்தினேன். நிறுத்தினால் போதுமா…. வீட்டு விலாசம் சொல்ல வேண்டாமா? வாயை திறந்து என் வீடு இருக்கும் சந்தின் பெயரை சொன்னேன்.. சத்தியமா நான் என்ன சொல்லுகிறேன் என்று எனக்கே புரியவில்லை! பின் ஆட்டோகாரருக்கு மட்டும் எப்படி புரியும். இதிலே அவருக்கு சந்தேகம் வேற… ‘நீங்கள் ஏன் கன்னத்தை இப்படி உப்பி வைத்திருக்கிறீர்கள் ‘ என்று கேட்டு விட்டு ஒரு வெடி சிரிப்பு வேற.. எனக்கு மட்டும் அந்த தருணத்தில் பேச முடிந்திருந்தால் ‘என் வேண்டுதல் ‘ என பதில் அளித்திருப்பேன்! எல்லாம் என் நேரம். பின் கையாலேயே பேசி அதாவது வழி காட்டி ஒரு வழியாய் வீடு வந்து சேர்ந்தேன். வந்ததும் முதல் வேலையை என் வாயை கிளியர் செய்து விட்டு கண்ணாடி

முன் நின்றேன்! கும்கி லஷ்மிமேனன் அஞ்சான் சமந்தா போல் ஆக்கி வைத்திருந்தார் என் முகத்தை … அதாவது கன்னங்கள் உப்பி வாய் கோணி ஒரு வழி ஆக்கி வைத்திருந்தார்… முகம் முழுக்க மரத்து போய் தான் இருந்தது…

 

எனக்கு நெடு நாள் கனவு இந்த பல்லு புடுங்குறது! ஆனால் எனக்கே எனக்காக நேரம் செலவழிக்க மனதும் கிடையாது … என் அக்காவிடம் சொல்வதுண்டு ‘போனோமோ.. இருக்கிற சொத்தை பற்களை புடுங்குனோமா… வீட்டுக்கு வந்தோமா ‘ என்று இருக்கணும். சரி நாலு வருஷமா வலியை எப்படி சமாளித்தாய் என்று யாருக்கேனும் டவுட் வந்துச்சு என்றால் தெரிந்து கொள்ளுங்கள்… சொத்தை பல் இருக்கும் இடத்தில் இரண்டு கிராம்புகள் வைத்து கடிக்க பழகி கொள்ளுங்கள்.இல்லை என்றால் கொய்யா மரத்தின் இளம் குருத்து இலைகளாய் பறித்து வலி இருக்கும் இடத்தில் வைத்து மெல்லுங்கள்… இரண்டுமே மிக சிறந்த வலி நிவாரணி! ஆனால் தற்காலிகமானவை தான்..

 

3 சொத்தை பற்களை ஒரே தடவையில் புடுங்கி விட்டு வருவது பெரிய சாதனை அல்ல தான்… இருந்தாலும் மற்ற பற்களுக்கு சொத்தை பரவாமல் காத்து கொள்ள ஒரு முயற்சியை நான் எடுத்திருக்கிறேன் என்பதில் ஒரு ஆத்ம திருப்தி ! அவ்வளவே!

 


8 பின்னூட்டங்கள்

சில எண்ணங்கள் -47

யாரும் எகிறி குதித்து அடித்து
விட நான் உறி அல்ல….
நூல் இழைகளை கொடுத்தவுடன்
துணி நெசவு செய்ய நான் தறி அல்ல..
கூப்பிட்ட குரலுக்கு ஓடி வந்து
கேட்ட வரம் அருள நான் பரீ அல்ல..
என் பகுத்தறிவுக்கு சரியென தோன்றும்
வழி நடப்பதே என் வாழ்க்கை நெறி!
ItsMyLifeLogo

நானும் என் கணவரும்
ஒற்றுமையாய் செயல்படும்
விஷயங்களில் ஒன்று ..
மெகா ஆபர் போடும் மெகா
மால்களில் முதல் ஆளாய்
நுழைந்து ரொம்ப பொறுமையாய்
நிதானமாய் காம்போ ஆபர்களாய்
பார்த்து பார்த்து தேர்ந்தெடுத்து
தள்ளு வண்டியை நிரப்பி
தள்ள முடியாமல் தள்ளி
பில் கவுன்டர் வரை வந்து
அனுமார் வால் போல் நீண்டு
கொண்டே செல்லும் வரிசையை
பார்த்தவுடன் ஒரு ஓரமாய்
அந்த தள்ளு வண்டியை அம்போ
என்று விட்டு விட்டு வீட்டுக்கு
நடையை கட்டி விடுவோம்!!!
images (6)

மாதுளம் பழம் உடைத்தால்
அதிலிருந்து முத்துக்கள் தெறிக்கும்
இதுவே வழக்கில் இருக்கும் பேச்சு…
ஆனால் உடைத்தவுடன் முகத்தில்
தெறித்து விழுவது என்னவோ
மாணிக்கங்களே….
இவ்வுண்மை யாவரும் உணர்ந்து
கொள்ள மட்டுமே… கெடுக என்
ஆயுள் என பாண்டிய மன்னன் போல்
யாரும் மயங்கி சரிய அல்ல!

images (7)

ஏற்கனவே வீட்டு பராமரிப்பு தொகையை
உரிய தியதியில் கட்டிய பின்னரும் கூட
கட்டி விட்டீர்களா.. நாளை நாள் கடைசி என்று
வீட்டு பாதுகாவலர் அழைப்பு மணியை
அழைத்து கேட்டு விட்டு பின் நியாபகம்
வந்தவராய் சொல்லுவார்.. ஹி .. ஹி
மரச்சி போயி.. அவரு மறந்துவிட்டாராம்…
ஆனா உண்மையில் நான் தான் ஒரு நொடி
மரிச்சி போயி பயத்தில் ………
thumb

மழையில் பனிக்குழை
இனித்தது நேற்று
நாளை கசக்கும்
என்பதை அறிந்தும்!!
happy-quotes-1840

பசியோடு தட்டின் முன் அமரும்
குழந்தைகளுக்கு சுட சுட பரிமாறிய
பின்னே இன்னும் ரெண்டு தோசை போடு
இன்னும் கொஞ்சம் சட்னி போடுனு
சொன்னால் காதுக்கு எவ்வளவு இனிமையாக
இருக்கும்.. அதை விட்டுவிட்டு எனக்கு Doraemon
போடு என்று ஒருவன்.. எனக்கு சுட்டி டீவீ
ஜாக்கிசான் போடு இது இன்னொருவன்….
6a00d8341c696953ef00e54f0c0c898833-640wi

பையன் : அம்மா இன்னிக்கு பூஜை
என்பதால் Doraemon ஸ்பெஷல்
எபிசோடா போட்டு தள்ளுரான்
அம்மா : வரலஷ்மி பூஜைக்கும் Disney
சேனலில் Doraemon ஸ்பெஷல்
எபிசோடுக்கும் என்னடா சம்பந்தம்..
என்ன கொடுமை இது!

images (8)

வெள்ளை நிற லெக்கிங்ஸ்
அணிந்து நடக்கும் பூவையர்
கால்களை நோக்கும் போதெல்லாம்
ஜகன் மோகினி பிசாசுகள்
அநியாயத்துக்கு நினைவில்
வந்து அச்சுறுத்துகின்றன!!
images (5)


7 பின்னூட்டங்கள்

சில எண்ணங்கள் -46

தன் அழும் குழந்தையை
சமாதானம் செய்ய
அக்குழந்தையின் தாய்
ஜன்னல் கம்பிகளின் ஊடே
தன் கைகளை நீட்டி என்னை
சுட்டி காட்டி சொல்லுவாள்
பாரு பாரு Aunty பாரு….
வாழைப்பழம் நீட்டாத
குறை ஒன்று தான்..
வேடிக்கை!!
can-stock-photo_csp13240812

வலியும் வேதனையும்
நெஞ்சில் சுமந்திருந்தும்
யாதொரு தருணத்திலும்
வதனத்தில் வலியதொரு
புன்னகையை தவழ
விடுபவரின் நெஞ்சம் வலியது!!
download

அரிசி பருப்பு வேக வைப்பதாகட்டும்
பயிறு காய்கறிகள் அவிப்பதாகட்டும்
இப்படி எதை எடுத்தாலும் சமயத்தை
மையம் கொண்டு செய்வதே சமையல்!!

Cooking_times

ஆ….. ஐயோ………
போதும் போதும் அம்மா ……
.
.
.
டேய் நான் இன்னும் நகத்தை
வெட்டவே ஆரம்பிக்கவில்லை!

download (1)

நம்மை தன் வசப்படுத்தும்
இஷ்டங்களை துறக்க முற்படின்
கஷ்டங்கள் தீர்ந்து வாழ்க்கை
நம் வசப்படும்!
images

போதும் என்று உரைத்தால்
அவள் முறைப்பாள்….
குமட்டுதுனு சொன்னா
குமட்டுலேயே குத்துவாள்
இருந்தும் தன் மனதொப்ப
பாதி காலி செய்த தட்டை நீட்டி
அவளின் மனதை நிறைப்பான்
அம்மா..Thank You.. என்றுரைத்து!!
images (1)

பத்துக்கு பதி என்றார்
இருபதுக்கு இருபதி என்றார்
முப்பதுக்கு முப்பதி என்றார்
இதை மனதில் கொண்டு
நாப்பதி என்று கேட்ட
ஆட்டோ ஓட்டுனரிடம்
நாற்பது ரூபாய் நீட்டினால்
முறைத்து பார்க்கிறார்
ஐம்பது ரூபாயாம்!
காப்பி அடிச்சதே அடிச்சேள்
திருந்த அடிக்கப்படாதோ..
கொச்சை தெலுங்கு!!
Telugu-Telugu

கைக்குட்டை கைக்கு
எட்டாமல் கண்கட்டு
வித்தையாய் மாயாமாகும்
மர்மத்தை ஆராய்ச்சி
செய்ததன் முடிவில் மேலும்
நான்கு கைக்குட்டைகள்
இருந்த இடம் தெரியாமல்
கை விட்டு போச்சு……..
images (2)

மயில்கள் அகமகிழ்ந்து
தோகையை விரிக்கும்
மானிடர்களும் அகமகிழ்ந்து
கண்களை விரிக்கின்றனர்
கார்மேகத்தை காணும்
பொழுதெல்லாம்….
நிலைமை அப்படி!!
images (3)

விழுந்து விழுந்து கவனிப்பாள் மனைவி
தன் மீது கணவர் எதற்கும் எரிந்து விழாதவரை!!

images (4)

பையன் : அம்மா! நான் ஸ்கூலுக்கு கிளம்பறேன்!
அம்மா : வீட்டில் இருந்து கிளம்புவதற்கு
முன் இப்படியா சொல்லிட்டு போவாங்க ??
பையன் : சரி… கிளம்பிட்டேன்!
அம்மா: டேய்….
பையன் : சரி …. கிளம்பி போறேன்!
அம்மா : போயிட்டு வரேன்னு சொல்லுடா!!!!
F89EE261A9F2173FFD3FFA642F243_h302_w400_m2_bblack_q99_p99_cUBIINJTa


10 பின்னூட்டங்கள்

சில எண்ணங்கள் -45

அப்பா : என்னடா.. பக்கத்து வீட்டில ஒரே ஆட்டம்,பாட்டம் ,

கொண்டாட்டம்னு ஒரே குதுகூலமா இருக்கு.. எதுவும் விசேஷமா??

பசங்க : ஆமா விஷேசம் தான்ப்பா… அவுங்க அப்பா ஊருக்கு போயிருக்காங்களாம்…

அப்பா : !!!!!

download

 

 

தெளிந்த பின்னே
மட்டுமே தெரியும்
இது நாள் வரை அடி
மனதில் எத்தனை
கசடுகள் என்று!!

matter-sedimentation

 

ஒரு திசை காட்டும் கருவி
ஒரு பூத கண்ணாடி
ஒரு கையடக்கமான
தீவட்டி வெளிச்சம்
மகனே…. நீ பள்ளிக்கு வரலாறு
படிக்க செல்கிறாயா இல்லை
வரலாறு படைக்கவா??
MagneticPencilbox

 

images

 

நிலை தட்டுமேயானால் தலை
குனிந்து செல்வது உத்தமம்….
நிலை தட்டு தடுமாறினால்
தலை குனிவு நிச்சயம்..

download (1)

 

இன்றாவது தன் மனதில்
உள்ளதை வாடிக் கிடக்கும்
பூமியிடம் கொட்டி விட
தீர்மானித்து மோடம் போட்டு
காத்து கிடக்குது வானம்!!

images (1)

 

 

பயிரிட்ட பின்னே
விதை விதையாக
முழித்து கொண்டு
நில்லாமல் விளைந்து
நிற்பதே தானியத்தின் சிறப்பு….
அஃதே வயிறிடுவதற்கு முன்பும்!

 

images (2)

நம்ம கிட்ட இருக்கிற
சிம்கார்ட கொண்டு போய்
ஏர்டெல்காரன் கிட்ட குடுத்தா
அதை வெட்டி மைக்ரோ சிம்கார்டா
ஆக்கி தருவானா அம்மா??
ஏலேய்.. அது என்ன ஆடா!
இல்லை.. சிம்கார்டா!!

airtel sim

 

இன்று அதிகாலை
நீ இருண்டு இறுக்கம்
கொண்டு என் மனதை
வானில் பறக்க விட்டு கண்கள்
பணிக்க செய்தது அத்தனையும்
நடிப்பா??????????
வருவது போல் வந்து பின்
வராது சென்ற மழை

images (3)

 

வீர தீரமாய் சுழன்றடிக்கும் சார காற்றே
உன்னுள் ஈரம் இல்லாதவரை உள்ளம் மயங்காது
உடல் சோர்ந்த மயக்கம் மட்டுமே சாத்தியம்!

1317239764_374060252671_35721797671_3848601_1699688_n

 

வெடிச் சிரிப்புடன் கைகளை
டாட்டா காட்டியவாரே வெளியே
ஓடும் குட்டி பையனை பிடிக்க பின்னங்கால்
பிடறியில் அவன் பின்னே ஓடுவாள்..
சற்று முன்னே அவன் சேட்டை
தாங்காமல் தர தரவென இழுத்து
வீட்டின் வெளியே விரட்டிய தாய்..

can-stock-photo_csp9703834

 

ஒருவரை நம்பி கை கொடுப்பதை விட
நம்பிக்கை அளிப்பது சாலச் சிறந்தது!!

charitable-giving

 

கவனிக்க மறந்து விடும் நேரங்களில் தனக்கு
தானே தூசியால் அரிதாரம் பூசி நம் கவனத்தை
கவர்ந்து விடுகிறது நம் வீட்டு சாமான்கள்!!

images (4)

 

அடுத்தவர் பொருளை
ரசித்து நோக்குவது சலனம்
உரிமம் கொள்ள நினைப்பது சபலம்..

images (5)