சில எண்ணங்கள் -49

ஒக்ரோபர் 14, 2014 by mahalakshmivijayan 9 பின்னூட்டங்கள்

தன் கைவரிசையை பிறன் மனைகளில்

காட்டி விலை மதிப்புள்ள பொருட்களை

கவர்ந்து செல்பவன் கள்ளன்..

தன் கைவரிசையை விலை மதிப்புள்ள

பொருட்களில் காட்டி பிறர் மனம்

கவர்ந்து செல்பவன் கொல்லன்!

எட்டி நின்று விட்டால்

எட்டி விட கூடியவை கூட

எட்டாது போய் விட கூடும்!

தான் தேடிய பொருள்
தன் கண்ணெதிரே
இருந்த போதும்
கண்டெடுக்க தெரியாமல்
கண்ணு மண்ணு தெரியாது
தேடி அலைந்து திரிவர்
தன் துணைவி அதை
கையிலெடுத்து
கொடுக்கும் வரை…..
தன் இத்தகைய குண நலன்
தெரிந்து தான் கணவன்
உஷாராக தன் மனைவியை
என் கண்ணே என்று
அவ்வப்பொழுது விளிக்கின்றனரோ!

நான் சொல்வதற்கு எல்லாம்
என் கணவர் அதை ஆமோதிக்கும்
விதமாய் பலமாய் தலை ஆட்டுவார்…
பெருமை பட்டுக்க வேண்டியது தான
என்று நீங்கள் சொல்வது காதில் விழுகிறது
இருந்தும் பொரும தான் தோணுது
பின்னே நான் ஒரு விஷயத்தை ஆரம்பித்து
சொல்லி முடிப்பதற்குள்ளாகவே அவசர அவசரமாய்
தலையை ஆட்டிவிட்டு தன் வேலையில்
மூழ்கி விட்டால் பொருமாமல் என்ன செய்வது!

நமக்காக யாரு எவரு எவை
காத்து கிடக்குதோ இல்லையோ
நாமே நம் கையால் ஆரம்பித்து
விட்டு பாதியிலே விட்டு சென்ற
வேலைகள் அத்தனையும் நம்
வருகைக்காக நிச்சயமாக வழி
மேல் விழி வைத்து காத்து கிடக்கும் !