அப்பா : என்னடா.. பக்கத்து வீட்டில ஒரே ஆட்டம்,பாட்டம் ,
கொண்டாட்டம்னு ஒரே குதுகூலமா இருக்கு.. எதுவும் விசேஷமா??
பசங்க : ஆமா விஷேசம் தான்ப்பா… அவுங்க அப்பா ஊருக்கு போயிருக்காங்களாம்…
அப்பா : !!!!!
தெளிந்த பின்னே
மட்டுமே தெரியும்
இது நாள் வரை அடி
மனதில் எத்தனை
கசடுகள் என்று!!
ஒரு திசை காட்டும் கருவி
ஒரு பூத கண்ணாடி
ஒரு கையடக்கமான
தீவட்டி வெளிச்சம்
மகனே…. நீ பள்ளிக்கு வரலாறு
படிக்க செல்கிறாயா இல்லை
வரலாறு படைக்கவா??
MagneticPencilbox
நிலை தட்டுமேயானால் தலை
குனிந்து செல்வது உத்தமம்….
நிலை தட்டு தடுமாறினால்
தலை குனிவு நிச்சயம்..
இன்றாவது தன் மனதில்
உள்ளதை வாடிக் கிடக்கும்
பூமியிடம் கொட்டி விட
தீர்மானித்து மோடம் போட்டு
காத்து கிடக்குது வானம்!!
பயிரிட்ட பின்னே
விதை விதையாக
முழித்து கொண்டு
நில்லாமல் விளைந்து
நிற்பதே தானியத்தின் சிறப்பு….
அஃதே வயிறிடுவதற்கு முன்பும்!
நம்ம கிட்ட இருக்கிற
சிம்கார்ட கொண்டு போய்
ஏர்டெல்காரன் கிட்ட குடுத்தா
அதை வெட்டி மைக்ரோ சிம்கார்டா
ஆக்கி தருவானா அம்மா??
ஏலேய்.. அது என்ன ஆடா!
இல்லை.. சிம்கார்டா!!
இன்று அதிகாலை
நீ இருண்டு இறுக்கம்
கொண்டு என் மனதை
வானில் பறக்க விட்டு கண்கள்
பணிக்க செய்தது அத்தனையும்
நடிப்பா??????????
வருவது போல் வந்து பின்
வராது சென்ற மழை
வீர தீரமாய் சுழன்றடிக்கும் சார காற்றே
உன்னுள் ஈரம் இல்லாதவரை உள்ளம் மயங்காது
உடல் சோர்ந்த மயக்கம் மட்டுமே சாத்தியம்!
வெடிச் சிரிப்புடன் கைகளை
டாட்டா காட்டியவாரே வெளியே
ஓடும் குட்டி பையனை பிடிக்க பின்னங்கால்
பிடறியில் அவன் பின்னே ஓடுவாள்..
சற்று முன்னே அவன் சேட்டை
தாங்காமல் தர தரவென இழுத்து
வீட்டின் வெளியே விரட்டிய தாய்..
ஒருவரை நம்பி கை கொடுப்பதை விட
நம்பிக்கை அளிப்பது சாலச் சிறந்தது!!
கவனிக்க மறந்து விடும் நேரங்களில் தனக்கு
தானே தூசியால் அரிதாரம் பூசி நம் கவனத்தை
கவர்ந்து விடுகிறது நம் வீட்டு சாமான்கள்!!
அடுத்தவர் பொருளை
ரசித்து நோக்குவது சலனம்
உரிமம் கொள்ள நினைப்பது சபலம்..
எண்ணங்கள் பலவிதம் 
10:57 முப இல் ஜூலை 1, 2014
நான் வந்து ரொம்ப நாளாச்சு பெண்ணே. அபாரமாக எழுதியிருக்கிராய். அன்புடன்
4:34 முப இல் ஜூலை 2, 2014
வாங்க காமாட்சி அம்மா!! நானும் ரொம்ப நாள் கழித்து பதிவு எழுதி இருக்கிறேன் அம்மா ! படித்து ரசித்தமைக்கு என் மனமார்ந்த நன்றிகள் அம்மா 🙂
2:31 பிப இல் ஜூலை 1, 2014
எல்லாமே
சிறந்த கருத்துகளைக் கூறும்
பதிவு என்பேன்!
4:37 முப இல் ஜூலை 2, 2014
வாங்க சார்! நெடு நாள் களித்து ஒரு பதிவை சமர்ப்பித்துவிட்டேன் என்பதை விட உங்கள் பின்னூட்டம் கண்டு மிக்க மகிழ்ச்சி அடைந்தது :மனது 🙂
1:44 முப இல் ஜூலை 2, 2014
அனைத்தும் அருமை…
கசடுகள், நம்பிக்கை அளிப்பது – சிறப்பு…
4:43 முப இல் ஜூலை 2, 2014
வாருங்கள் தனபாலன் சார்!
படித்து ரசித்து அதில் சிறப்பானவற்றை எடுத்துரைத்ததுக்கு என்னுடைய நன்றிகள் 🙂
6:24 முப இல் ஜூலை 2, 2014
இந்த முறை அனைத்துமே ஸ்ட்ராங் காபி மாதிரி உள்ளன. 👍
4:53 முப இல் ஜூலை 4, 2014
நன்றி சார்! ஹா ஹா.. ஸ்ட்ராங் காபி அருமையான கமெண்ட் 🙂
5:05 பிப இல் ஜூலை 2, 2014
இத்தனை எண்ணங்களா? வரலாறு படிக்கிறானோ இல்லையோ உங்கள் மகன் வரலாறு படைக்கப் போகிறான் . அதற்கு என் ஆசிகள் பல.
மழை பற்றிய கவிதைகள் மழையாய் பொழிந்த வண்ணம் இருக்கின்றீர்களே. அனைத்துக் கவிதைகளும் ஸூப்பர் மஹா.
4:58 முப இல் ஜூலை 4, 2014
நன்றி ராஜி மேடம்! ஒரு ஆசிரியர் கையால் ஆசி வாங்குவது என்றால் சும்மாவா… உங்கள் ஆசிகள் என் மகனுக்கு கிடைத்து அவன் உண்மையாகவே வரலாறு படைக்கட்டும் 🙂 மழை தான் ஏமாற்றி கொண்டே இருக்கிறது !!