எண்ணங்கள் பலவிதம்

என் எண்ணங்களின் நீருற்று


17 பின்னூட்டங்கள்

கெமிஸ்டிரி மேலே கெமிஸ்டிரி

Image
கெமிஸ்டிரி சரியா தாங்க பெயர் வைத்து இருக்கிறார்கள், பெயரிலேயே Mystery இருக்குது பாருங்க! முதன் முதலில் கெமிஸ்டிரிக்கு என்று பாட புத்தகம் குடுத்தது எட்டாம் வகுப்பில் என்று நினைக்கிரேன்.. சிறு வயதில் கெமிஸ்டிரி பற்றி சரியாக அறியா பருவத்தில் கலர் கலர் கனவுகள் கண்டதுண்டு! இந்த கையில் ஒரு கலர் குடுவை, அந்த கையில் ஒரு கலர் குடுவை, மாத்தி மாத்தி டீ ஆத்துவது போல் எல்லாம் வருவதுண்டு! ஆனா எட்டாம் வகுப்பு ஆரம்பித்த கொஞ்ச நாட்களிளேயே அத்தகைய கனுவுகள் சுக்கு நூறாக உடைந்து போயின!

பள்ளி செல்லும் காலங்களில் வகுப்பு கால அட்டவணையை பார்த்தலே பிடிக்காது இதிலே இந்த PeriodicTable மட்டும் எப்படி புடிக்கும்! எட்டாம் வகுப்பு ஆரம்பித்து பன்னிரெண்டாம் வகுப்பு வரை இந்த Periodic டேபிளை சுத்தி சுத்தியே படிக்க வேண்டும் என்ற நினைப்பே சிறிது தலையை சுத்த வைத்தது! போதாகுறைக்கு என் வகுப்புக்கு கெமிஸ்டிரி பாடம் எடுத்த ஆசிரியைக்கு என்னை கண்டாலே பிடிக்காது! அதனாலேயோ என்னவோ எனக்கும் கெமிஸ்டிரி பாடம் வேப்பங்காயாய் கசந்தது!

கெமிஸ்டிரி ஆசிரியை மிகவும் கண்டிப்பானவர். அவர் அடிக்கடி என்னை திட்டும் வாக்கியங்களில் ஒன்று, ‘ உனக்கு ஒவ்வொரு செல்லிலேயும் கொழுப்பு இருக்கு’ என்று! அப்படி என்றால் என்ன? எனக்கு கடைசி வரை புரிந்ததில்லை. புரிந்து கொள்ள முயற்சி எடுத்ததும் இல்லை! புரிந்தால் தானே இந்த கெமிஸ்டிரியை படிப்பதற்க்கு, இல்லை ஆசிரியையாவது சிறிது ஆர்வம் ஏற்படும் வண்ணம் பாடத்தை கையாள வேண்டும்! இரண்டுமே கடைசி வரை நடக்க வில்லை! அவர் என்னை ஒவ்வொரு வகுப்பிலேயும் எழுப்பி விட்டு வினாக்கள் அடுக்கி என் மானத்தையும் கப்பல் கப்பலாக ஏற்றினார்..

முதலில் சிறிது கஷ்டமாக இருந்தாலும் பிறகு அதுவே சிறிது பழகி போனது! அவர் ஓயாது என்னை வையும் போது அவருடைய உதடுகள் ஏனோ எனக்கு Disney Donald Duck ஐ அடிக்கடி நியாபகபடுத்தும். புரியமலேயே படித்து அதே ஆசிரியை துணையுடனே பத்தாம் வகுப்பு வந்தாயிற்று! கெமிஸ்டிரி பாடம் புடிக்காமல் போனதில் இன்னொரு தீய பழக்கம் எனக்கு புதிதாய் வந்தது! அது என்னவெனில் சாய்ஸ் விட்டு படிப்பது! கெமிஸ்டிரியின் பிரிவுகளான Physicalகெமிஸ்டிரியும், InOrganic கெமிஸ்டிரியும் ஓரளவுக்கு படித்தாலும் இந்த Organicகெமிஸ்டிரியை ஆத்துள வெள்ளம் அடிச்சிட்டு போட்டும் என்கிற அளவுக்கு மனம் வெறுத்து விட்டு விட்டேன்!

Organic மேல் மட்டும் ஏன் அப்படி ஒரு வெறுப்பு, சும்மாவாங்க எந்த பக்கத்த திருப்பினாலும் இந்த CH ஆங்காங்கே எழுதி எழுதி கொம்பு கொம்பாக வரைந்து இருப்பார்கள்!! இப்படி எத்தனை எத்தனை கொம்புகள் டிசைன் டிசைனா, ஒத்த கொம்பு, ரெட்டை கொம்பு அப்புறம் முக்கொம்பு அப்பா..முடியல! அரையாண்டு தேர்வு முடிந்து பேப்பர் திருத்தி எடுத்து வந்தார் ஆசிரியர்! என் பேப்பரை பார்த்து வெறுத்து போய், திட்டி தீர்த்த பிறகும் சும்மா விடவில்லை அவர், வாழ்க்கையில் முதன் முறையாய் Imposition எழுதி விட்டு வர வேண்டும் என ஆணை பிறப்பித்தார்! அதுவும் இரண்டு தடவை மூன்று தடவை இல்லை 25 தடவை கெமிஸ்டிரி பரிட்சை தாளை எழுதி வர உத்தரவிட்டார்!

நானும் அவரின் ஆணைக்கு கட்டுபட்டு மாங்கு மாங்கென்று 10 தடவை எழுதி விட்டேன்! அதுக்கு மேல முடியல, சிறிது கிறுக்கு புடித்தது போல் ஆனது எனது மனது! ஒழுங்காக எழுதி கொண்டிருந்த கை கிறுக்கி தள்ளியது! பயமற்று போனது மனது! ஆனது ஆவட்டும் என்று மனதினுள் தைரியம் பிறந்தது! முடிந்த வரை எழுதியதை எடுத்து கொண்டு வகுப்பறை சென்றேன்! என்னோடு சேர்த்து என் வகுப்பில் படித்த நாலைந்து பசங்களும் இதே தண்டனையை பெற்றிருந்தனர். அவற்றுள் ஒரு பையன் கூட Imposition எழுதி விட்டு வர வில்லை! அவர்களை எல்லாம் வகுப்பறை வெளியே முட்டி போட வைத்தார்! நான் எழுதி கொண்டு வந்திருந்ததை நம்ப முடியாமல் எடுத்து பார்த்து விட்டு ஒரு சிறிது புரட்டியும் பார்த்தார்! நல்ல வேலை கடைசி வரை பார்க்க வில்லை, ஒரு பத்து தடவைக்கு மேல் எழுதி இருந்ததை பார்த்தால் அன்று என் டப்பா டான்ஸ் ஆடி இருக்கும்! அன்று சிங்கத்தின் வாய் வரை சென்று உயிர் பிழைத்த கதை தான்!!
கெமிஸ்டிரி லேபில் நடந்த ஒரு சம்பவத்தை மறக்கவே முடியாது! ஒரு சால்ட் கொடுத்து கண்டு பிடிக்க சொல்லி இருந்தார்கள்! அன்று என் கெட்ட நேரம் நல்ல ஜலதோஷம்! மூக்கினால் எந்த ஒரு வாசனையும் அறிய முடியவில்லை! எனக்கு கண்டு பிடிக்க சொல்லி குடுத்திருந்த உப்பு ஒரு குறிப்பிட்ட அமிலத்தோடு கலக்கும் போது உடைந்து கெட்டு போன முட்டை போல நாற்றமெடுக்கும்! அந்த வாசனையை கொண்டு கண்டு பிடிக்க வேண்டும்! நான் எல்லாம் சரியாக தான் செய்தேன், லேப் முழுவதும் அந்த நாற்றம் அடித்தது! எனக்கு தான் மூக்கும் சரி இல்லையே, கரெக்டா தப்பான ஒரு உப்பின் பெயரை சொன்னேன்! சும்மாவே அந்த ஆசிரியைக்கு என்னை பிடிக்காது, நன்கு கன்னாபின்னாவென்று திட்டி தீர்த்தார்! உனக்கு பொறுமை கிடையாது எல்லாவற்றிலேயும் அவசரம் என்று கத்திய அவருக்கு தெரியாது குற்றம் செய்தது என் மூக்கு என்று!
இப்படியாக ஒரு வழியாய் பத்தாம் வகுப்பு பாஸ் செய்தாயிற்று! அடுத்தும் அதே கெமிஸ்டிரி, அதே Periodic Table, அதே Physical Properties, chemical properties, Inorganic, Organic.. வேறு வழி இல்லை படித்து தான் ஆக வேண்டும்! ஆனால் இந்த முறை அதே ஆசிரியை அல்ல, ஒரு ஆசிரியர்! அவர் பெயர் S.A.Subramanian! முருகரே என் துயர் துடைக்க வந்தது போல் இருந்தது! நல்ல ஒரு சிரித்த முகம், அருமையாக தயாரித்த நோட்ஸ் என்று முதல் வகுப்பிலேயே கலக்கி விட்டார்! சொன்னா நம்ப மாட்டீங்க, நான் முதன் முறையாய் கெமிஸ்டிரி வகுப்பு முழுவதும் தூங்காமல் வகுப்பை கவனித்தேன்! முதன் முறையாய் சொல்லி குடுத்த பாடம் முழுதும் புரிந்தது! இதற்கு தானே இத்தனை வருடம் சிரமபட்டேன்!

நான் கெமிஸ்டிரியை ஆர்வமுடன் படிக்க ஆரம்பித்தேன்! புடிக்கவே புடிக்காத Organicகெமிஸ்டிரி இப்போ மனதுக்கு புடித்த பாடம் ஆயிற்று! கெமிஸ்டிரி ஆசிரியரை எவ்வளவுக்கு எவ்வளவு பிடித்ததோ, அவ்வளவுக்கு அவ்வளவு கெமிஸ்டிரி பிடித்து போனது! ஆமாங்க நிஜமாவே கெமிஸ்டிரி மேலே கெமிஸ்டிரி வந்தது! இந்த பதிவு எனக்கு பிடிக்காத கெமிஸ்டிரியை பிடிக்க வைத்த திரு.S.A.Subramanian சாருக்கு அர்ப்பணம்!


8 பின்னூட்டங்கள்

சில எண்ணங்கள் -33

வஞ்ச புகழ்ச்சி யாவரும் அறிவர்..
வஞ்ச அக்கறை யாரும் அறிந்ததுண்டோ?
அதிகாலை நேரம் துகில் கலைய மறுத்த
பையனை அரும்பாடுபட்டு எழுப்பி
பின் ஒருவாறு குளியலறை அனுப்பி
அவன் குளித்து முடியும் வரை பொறுத்திருந்து
பின் அவனுடைய ஈரத் தலையை துடைத்து
விடுகிரேன் என்ற பெயரில் தலையை 
துண்டால் நற நற.. வென துடைத்து
அவன் மூளைக்கு செல்லும் ரத்த 
ஓட்டத்தை அதிகரித்து புத்துணர்ச்சி
அளித்ததோடு மட்டுமல்லாமல் என்னுள்ளே
பொருமி கொண்டிருக்கும் கோபமும்
கத்தி தீர்க்காமல் சாந்தமாய் வெளியேறவும்
வழி வகுக்கிறது!!

Image

கணவர் செய்யும்
மன்னிக்கவே முடியாத
குற்றங்களில் ஒன்று..
.
.
.
சீப்பா கிடைத்தது
என்ற ஒரே ஒரு 
காரணத்துக்காக
2 கிலோ மூன்று கிலோ
ஏதேனும் ஒரு காய்கறியை
தன் சிறிய குடும்பத்துக்காக
வாங்கி வந்து குவிப்பது!!

Image

காதல் பொங்கி வழிந்தது!!
.
.
.
.
.
குழம்பு கூட்டு பொரியல்
பக்காவா ரெடி பண்ணிட்டு
சோறு பொங்க நான் மறந்து
விட்ட போதிலும் ஆங்கார
பசியிலும் பத்து நிமிடம்
கோபம் பொங்காமல் பொறுமை
காத்த அன்பு கணவர் மேல் 
மேல் இருந்து படிக்கவும்..

Image

 

நல்ல உச்சி வெயிலில்
கதவை திறந்து பார்த்து
விட்டு யாரு இங்க வெட்டியா
லைட்ட போட்டு வெச்சிருக்கா
என்று அவசர அவசரமா
ப்ரிஜ் உள்ளே அதை அணைப்பதற்க்கு
ஸ்விட்சை தேடுனீங்க என்றால்
பெருமை பட்டு கொள்ளுங்கள்
நீங்க தான் உண்மையான
மின் சிக்கனவாதி!!

Image


20 பின்னூட்டங்கள்

குறுகுறுபார்வை..

images (16)

குறுகுறுபார்வை முதன் முதலாய் என் மேல் பதிந்த அந்த நொடி தரிசாய் கிடந்த என் மனமாகிய நிலத்தில் திமிர் முளை

விட்டது! இது அகந்தையினால் வந்த திமிர் அல்ல.. நானும் இவ்வுலகத்தில் யாரோ ஒருவரால் கவனிக்க படுகிறோம் என்ற

நினைப்பால் வந்த திமிர்! என்ன தான் அச்சம், மடம், நாணம்.. நீ முந்தி,நான் முந்தி என்று விழுந்தடித்து ஓடி வந்தாலும் எதுவுமே

நடக்காதது போல் முகத்தில் உணர்ச்சியை காட்ட வைத்த திமிர்.

 

நடை,உடை பாவனை மாற்றியது! ஒவ்வொரு குறுகுறு பார்வைக்கும், திமிராகிய செடி புது

புது இலைகளை விட்டு நெடு நெடுவென வளர்ந்து கொண்டே தான் வந்தது. உடைகளை தேர்ந்தெடுப்பதில் அதிக

முக்கியத்துவம் காட்டியது! யாருடைய கவனத்தையும் திருப்பாத வண்ணம் உடை உடுத்த பழகி கொண்டது! நிமிர்ந்த நடையும்

நேர் கொண்ட பார்வையும் பார்க்க வைத்தது! எந்த புதியவரிடத்திலும் கண்ணை பார்த்து பேச பழக்கியது! தவறு செய்பவர்களை

தைரியமாக சுட்டி காட்ட மனதில் தைரியம் முளைத்தது!பிடித்தவர்களிடம் நட்பு வளர்த்து கொண்டது!புறம் பேசுபவர்களை

ஒதுக்கி தள்ளியது. தன்னம்பிக்கையும்  கனிகளாய் காய்த்து குலுங்கவைத்தது!

இப்படியாக வளர்ந்த வந்த திமிராகிய செடி இன்று மரமாக தழைத்து நின்று கொண்டிருக்கிறது. என் வாழ்க்கை துணைவர்

என்னை தன் உற்ற தோழியாய் நினைக்க தோன்றியது கூட இந்த திமிர் திமிர் திமிரால் தான்!! சில சமயங்களில் இதே குறுகுறு

பார்வைகள் என்னை சிரிக்கவும், சிந்திக்கவும் வைத்ததுண்டு! கணவருடன் ஒரு பனி கால இரவில் பைக்கில் வெளியில் சென்று

வரும் போது ஒரு நபர் எங்களை பின் தொடர்ந்தார் அவருடைய ஓட்ட ஸ்கூட்டரில்! நாங்க மெதுவாக சென்றால் அவரும்

மெதுவாக, வேகமாக சென்றால் அவரும் வேகமாக.. பார்க்க முதியவர் போல இருதாலும், அவருடைய குறுகுறு பார்வை சிறிது

எரிச்சலூட்டியது. கணவரிடம் சொல்லவா வேண்டாம ஒரே குழப்பம்!அவரிடம் சொன்னால் சிரிப்பார், உனக்கு ரொம்பதான்

நினைப்பு என்று! தைரியம் வந்தவளாய் அந்த நபரை உற்று நோக்கினேன்! என் மடியில் இருந்த என் கைபைய்யையும் என்

முகத்தையும் உற்று உற்று நோக்கினார். நிச்சயமாக இவர் திருடன் தான் மனம் எச்சரித்தது.. சுதாரித்து கொண்டேன்.

ஏதேச்சையாக சிக்னலில் நிற்க வேண்டிய கட்டாயம். அவரும் அருகில் வந்து நின்று திரும்பவும் அதே குறு குறு பார்வையுடன்

உற்று நோக்கினார்!! பிறகு தான் புரிந்தது அவர் நான் பந்தாய் சுத்தி வைத்திருந்த ராமர்பச்சை மற்றும் பஞ்சு மிட்டாய் கலரில்

வாங்கிய கொசு வலையை தான் என்னவோ ஏதோ என்று உற்று நோக்கி இருக்கிரார் என்று! அதை பார்த்து தெரிந்து

கொண்டவுடன் எதோ பெரிதாய் கண்டுபிடித்து விட்ட திருப்தியில் தன் வழியே சென்றார்!!

இதே குறுகுறு பார்வையால், என் மனதில் வளர்ந்த திமிர் மரத்தின் கிளைகளை சற்றே

வெட்டி சீர்படுத்திய தருணங்களும் உண்டு! எனக்கு எந்த வேலையையும் காலையிலேயே முடித்து விட வேண்டும் என்ற

நினைப்பு இருக்கும்.ஒரு மாதத்துக்கு தேவையான பலசரக்கை வாங்குவதற்கு நாங்கள் இருந்த ஊரில் உள்ள சூப்பர் மார்கட்

செல்வதுண்டு.. ஒரு நாலைந்து தடவை கவனித்து விட்டேன், அந்த கடையில் வேலை பார்க்கும் என் வயதை விட மிக

கம்மியான வயது உடைய இளைஞன் என் பின்னரே வருவதுண்டு! நான் நின்றால் அவனும் நிற்பான், திரும்பி பார்த்தால்

வேலை பார்ப்பது போல் பாவனை செய்வான்!

அவன் செய்கைகள் சிறிது எரிச்சலை கிளப்பி விடும். நானும் அவனை எத்தனையோ முறை தம்பி

என்று விளித்து சில   பொருட்களின் விபரம் கேட்டதுண்டு! அவனோ நீ என்ன வேண்டுமானாலும் கூப்பிட்டு கொள் என் வேலை

உன் பின் வருவது மட்டுமே என்பது போல் நடந்து கொள்வான்! ஒரு முறை எரிச்சல் முத்தி போய் என் கணவரிடம் இந்த

விஷயத்தை சொன்னேன்!

இந்த வயதில் கூடவா பின்னாலையே வருவாங்க என்ற வார்த்தைகளில் அதே திமிரும் கலந்திருந்தது..

அவரோ வாய் விட்டு சிரித்து விட்டு சொன்னார், நீ கடை திறந்து சிறிது நேரத்திலேயே போய் நின்றால், இந்த பெண்மணி வாங்க

வந்துஇருக்கிராரா இல்லை லவட்டி கொண்டு போக வந்து இருக்கிராரா என்ற சந்தேகம் கடைகாரனுக்கு வந்திருக்கும், அதற்காக

தான் அந்த இளைஞன் உன் பின் வந்திருக்கலாம் என்று ஒரு போடு போட்டு விட்டு நமுட்டு சிரிப்பு சிரித்தார்!!!


11 பின்னூட்டங்கள்

சில எண்ணங்கள் -32

அனுமதியின்றி உடல் ஊடுருவும்
அதிகாலை நேர கத்திரி குளிரில்
ஊசியாய் குத்தி கிழிக்கும்
ஊத காற்றில் அனிச்சையாய்
செயல்படும் கைகள் நாடி சென்று
ஆசையாய் அணைத்து கொள்ளும்…….
.
.
.
சூடான தேனீர் கோப்பையை!!

Image

 

முத்தம் யுத்தம்
இவையின்
சத்தம் நித்தம்
பின் முடிவில்
இரத்தம் இவை
மொத்தம்
ராம்லீலா!!

Image

நை நை நு குட்டி பையன்
என் உசுரை வாங்கும்
ஒவ்வொரு முறையும்
அவன் துண்டை காணோம்
துணியை காணோம் என்று
ஓட வைக்க நான் சொல்லும்
மந்திர வார்த்தைகள்..
கண்ணு CHUBBY CHEEKS..சொல்லு!!

Image

தூள் கிளப்பினாலே
பிரச்சனை தான்..
கண்டிப்பா கிளப்பி
விடுபவருக்கு
கண்ணு(ல) பட்டு விடும்!!

 

 

Image

 

வெயிலும் அடிச்சு
மழையும் பெஞ்சா
காக்கைக்கும் நரிக்கும்
கல்யாணம்…
வெயிலும் அடிச்சு
குளிரும் கொன்னு எடுத்தா
யாருக்கும் யாருக்கும்
கல்யாணம்..
ஷப்பா முடியல!!

Image

கொஞ்சம் பழசு ஆனவுடன்
இந்த கதவெல்லாம் ஏன்
கிரீச்.. கிரீச்.. என்று 
சத்தம் போடுதுனு தெரியுமா??
.
.
.
அட இது கூடவா தெரியலா??
கொஞ்சம் Grease போட்டா என்ன
குறைஞ்சா போயிடுவீங்க..
அப்படினு தான்!!

Image

 

நண்பர்களுடன் படம் 
பார்த்து விட்டு பூனை
மாதிரி உள்ளே நுழைந்த
பையனிடம் கடு கடுவென்று
முகத்தை வைத்து கொண்டு
நறுக்கென்று நாலு வார்த்தை
கேட்டேன்…………
.
.

படம் என்ன கதை டா!!

Image