எண்ணங்கள் பலவிதம்

என் எண்ணங்களின் நீருற்று

மச்சான்1… மச்சான்2….மச்சான்3……..

6 பின்னூட்டங்கள்

படம்

அதிகாலையில் இருந்தே, பரபரப்பாய் இருந்தது அந்த வீடு. மாப்பிள்ளை பார்க்க போகிரார்களாம், அவர்களுடைய பெண்ணுக்கு! பெண் தன் சகோதரி, பரிவாரத்துடன்,மாப்பிள்ளை பார்க்க கிளம்பி இருந்தாள். மாப்பிள்ளை வீட்டார் கிராமத்து மக்கள் ஆதலால், பெண்ணும் பாவாடை தாவணியில், தீபாவளியாய் ஜொலித்தாள். இந்த கூட்டத்தோடு, ஒளி படம் எடுத்தவாறு ஒரு கேமராமேன், லைவ் கவரேஜ் செய்து கொண்டிருந்தார். பெண்ணின் சகோதரி, அப்ப அப்ப பெண்ணின் காதை கடித்து கொண்டே, களுக் என்று சிரித்தவாரே, அவளை வழி நடத்தினாள்.

 

ஒருவாறு மாப்பிள்ளை வீடும் வந்து சேர்ந்தது. காலை நேரம் ஆதலால், மாப்பிள்ளை பையனின் அம்மா, பிஸியாக வாசலை மொழுகி கொண்டிருந்தார். பழகி பார்ப்பதற்காக, அதி காலையிலேயே வந்து சேர்ந்த பெண் வீட்டாரை, செய்து கொண்டிருந்த வேலையை அப்படியே போட்டு விட்டு, வாய் நிறைய சிரிப்போடு வரவேற்றார் அந்த அம்மையார். பார்ப்பதற்க்கு கொல்லங்குடி கறுப்பாயியை ஒத்து இருந்தார்! காதில் பெரிய பாம்படங்கள் வேறு.. பெண்ணோ ஒரு படி மேலே போய், அவர் அப்படியே போட்டு விட்டு சென்ற வேலையை எடுத்து தானே செய்து முடித்தாள். ஒரு பத்து நிமிடம் முன்னர் வந்திருந்தால், வாசல் மொழுகுவதற்காக, சாணம் கரைக்கும் வேலையையும் சேர்த்து செய்து முடித்திருப்பாள் போல இந்த பெண்!! பார்த்து கொண்டிருந்த எனக்கே, ரொம்ப ஓவராக தான் தோன்றியது!!

நடந்த அனைத்து நிகழ்ச்சிகளையும், ஒன்று விடாமல், கேமரமேன் தன் கேமராவில் பதிந்து கொண்டிருந்தார்! பெண் வீட்டாரை உட்கார வைத்து விட்டு, பால் கறப்பதற்காக, பின் பக்கம் சென்றார்.. கூடவே அழையா விருந்தாளியாய், நம் பெண்ணும், அவள் சகோதரி மற்றும் அந்த கேமர மேன்.. இந்த வீட்டுக்கு மருமகளாய் வந்த பிறகு, இதையெல்லாம் அந்த பெண் தானே செய்ய வேண்டும், அதற்காக பழகி கொள்கிராளாம்… என்னத்த பழகுராளோ!! பால் சொம்பை, அந்த அம்மையாரிடம், கேட்டு வாங்கினாலும், முதல் அனுபவத்திலேயே கறப்பதற்கு, அந்த பெண் என்ன ராமராஜன் தங்கச்சியா.. பால் கறப்பது போல் பாவ்லா செய்து விட்டு, அந்த அம்மையாரிடமே கொடுத்து விட்டாள். பாலை கறந்தாளோ இல்லையோ, அந்த பையனின் அம்மாவின் மனதில் சந்தொஷம் கரை புரண்டோட செய்தாள். ஒவ்வொரு மாமியாரின்  கனவு, அத்தனை வேலைகளையும் இழுத்து போட்டுகொண்டு செய்யும் மருமகள் கிடைக்க போகிர சந்தோஷத்தில் மிதந்தாள்!! ‘இவ விளக்கேத்த எங்க வீடு தவங்கிடக்கு’ என்று பாடாத குறையாய், வந்தவர்களை கவனிக்க சென்றாள் அந்த அம்மையார்.

காலையிலேயே எழுந்து, சில வேலைகளுக்காக,வெளியே சென்றிருந்த பையனும், வீடு வந்து சேர்ந்தான். பெண் தன் தங்கையின் காதை அவசரமாக கடித்தாள், ‘என்ன மச்சான் எப்படி இருக்கிரார்??'(மச்சான் என்ற சொல்லின் பொருள்- அக்காவின் கணவரை, மரியாதையாக குறிப்பிடும் ஒரு சொல்) வெள்ளை வேட்டி, வெள்ளை சட்டையில்,ஆஜானுபாகுவாய், பயமுறுத்தும் மீசையோடு, சிங்கம் சூர்யாபோல இருந்த மாப்பிள்ளையை,யாருக்கு தான் பிடிக்காது. அவருக்கும் பெண்ணை பிடித்திருந்தது என்பதை அவருடைய அணுகு முறை, அவருடைய வீர தீர,எதிர்பாலினரை மயக்க வைக்கும் பேச்சிலேயே புரிந்தது. எவ்வளவு நேரம் ஆனாலும் பரவாயில்லை என கால் வலிக்க, வலிக்க ஒளி படம் எடுத்து தள்ளினார் கேமரா மேன்! வேர வேலை வெட்டி எதுவும் இல்லையோ, யாருக்கு தெரியும்!!

கேசரி, வடை, உப்புமா என்று விருந்துண்டு முடித்து, பிரியா விடை கொடுத்து கிளம்பினார்கள் பெண் வீட்டார்!!! போகிர வழியிலேயே, அவசர அவசரமாய், பெண் தன் கிராமத்து கெட் அப்பை கலைத்து விட்டு, மாடர்ன் பெண் கெட் அப்புக்கு மாறி விட்டிருந்தாள். கேமரமேன் குறிபிட்ட அடுத்த முகவரிக்கு, தங்கள் வண்டியை திருப்பினர். அடுத்த வீடும், வந்து சேர்ந்தது, அழைப்பு மணியை அடித்தனர் பெண் வீட்டார்! இப்பொழுது கதவை திறந்ததோ, கொஞ்சம் மார்டன் அம்மையார்! கூடவே மார்டன் யுகத்து பையனும், உதட்டு சிரிப்புடன் வறவேற்றனர். இப்பவும், பெண் தன் சகோதரியின் காதை கடித்தாள், ‘என்ன இந்த இரண்டாவது புது மச்சான் எப்படி??’

இப்பதான் கொஞ்சம் உற்று நோக்கினேன், அந்த பெண் காதை கடித்து கொண்டிருப்பது என் தங்கையின் காதுகளை.. என் தங்கைக்கு இங்கு என்ன வேலை, யார் இந்த பெண் என்று யோசிக்கையில் தான் விளங்கியது, அய்யயோ, இந்த கருமாந்திரம் பிடித்த பெண் நானா!! மேக் அப் போட்டு இருந்ததால் சரியாக தெரிய வில்லை, அது போக அரை குறை தூக்கம் வேறு.. நல்ல வேளை, மூன்றாவது மச்சான், நான்காவது மச்சான் பார்க்க போவதற்க்குள் முழிப்பு தட்டி விட்டது!! என் கனவின் உள்ளே நடந்த களேபரம் எதுவும் தெரியாமல், நிம்மதியாய் உறங்கி கொண்டிருந்தார் என் அருமை கணவர்! அடித்து பிடித்து எழுந்து, டீவீயை ஆன் செய்து, IMAGINETV சேனலை லாக் செய்து விட்டு நிம்மதி பெருமூச்சி விட்டேன்! அந்த நிமிடமே முடிவெடுத்தேன், ‘SUYAMVAR’ டீவீ நிக்ழ்ச்சியை இனி ஒரு போதும் பார்க்க கூடாது என… அந்த நிகழ்ச்சியை பற்றி தெரியாதவர்கள் இங்கே சொடுக்கவும். ஒரு டீவீ நிகழ்ச்சி மனதினுள் இவ்வளவு தாக்கத்தை ஏற்படுத்துமா?? கடவுளே காப்பாத்துப்பா!!!

Advertisements

6 thoughts on “மச்சான்1… மச்சான்2….மச்சான்3……..

  1. ஹா….ஹா…..
    இந்த நிகழ்ச்சியைப் பார்த்ததில்லை; ஆனால் நீங்கள் எழுதியிருப்பதிலிருந்து மடத்தனமான நிகழ்ச்சியாக இருக்கும் என்று தெரிகிறது.
    அப்பாடா! இந்த சானல் எங்கள் வீட்டில் யாரும் பார்ப்பதில்லை!

    ஏதோ கதை எழுதப் போகிறீர்கள் என்று நினைத்தேன். நல்ல எழுத்து நடை.
    வாழ்த்துக்கள்!

    • ‘ஏம்மா நல்லா தான இருந்த, என்ன திடீருனு மடத்தனமா பதிவு எழுதி இருக்கியே’, அப்படீனு சொல்லுவீங்கலோ என்று நினைத்தேன் அம்மா!! வழக்கம் போல புன்முறுவல் புரிய வெச்சுடீங்க! நன்றி!

  2. உங்களது படத்தை மாற்றி விடுங்கள், மஹா! முதலில் போட்டிருந்த படத்தில் உங்கள் சிரிப்பு சூப்பர்! இந்தப் படத்தில் நீங்கள் ரொம்பவும் சீரியஸ் ஆக இருக்கிறீர்கள். ஊஹூம், சரியில்ல
    எப்போ எடுத்த படம் இது? மச்சானைப் பார்க்கப் போன போதா? (சும்மா தமாஷ்!)

  3. ஓகே ஆனால் not up to the mark.
    உங்களுக்குப் பிடித்திருந்தால் போடுங்கள். நான் என் மனதுக்குப் பட்டதைச் சொன்னேன். தவறாக எண்ண வேண்டாம்!

    • நீங்கள்தான் என் முதல் WordPress ரசிகை!! அதனால் உங்கள் விருப்பமே என் விருப்பம் 🙂
      மாற்றிவிட்டேன் அம்மா! உங்கள் எண்ணங்கள் எப்பொழுதுமே எனக்கு நன்மையே புரியும்! நன்றி அம்மா!

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s