சிரிக்கலாம் வாங்க -2

ஏப்ரல் 19, 2013 by mahalakshmivijayan 6 பின்னூட்டங்கள்

எவ்வளவு மருந்து உட்கொண்டாலும்,
side effect கிடையாது,
மருந்து கசப்பு துளி கூட தெரியாது,
எல்லா வித பிரச்சனைக்கும் சுலபமான தீர்வு, என்று,
மூச்சுக்கு முந்நூறு தடவை,
கோமதி டாக்டர், புகழ் பாடும், 
பூக்கார அக்காவின் புகழாரங்களாள்,
‘யாரந்த, MULTI SPECIALITY DOCTOR’,
என்று,வியந்த எனக்கு,
போர்டை பார்க்கும் வரை,
சத்தியமாக புரியவில்லை,
அது கோமதி டாக்டர் அல்ல, 
 ஹோமியோபதி டாக்டர் என்று!!!

 

எண்ணெய் விக்கிர விலைக்கு,
இப்போதெல்லாம்,
குழம்பு செய்யும் போது ,
சமையல் குறிப்பில்,
சொன்னபடி,
எண்ணெய் தெளிய விட்டு,
எல்லாம் இறக்குவதில்லை,
பேருக்கு,சிறிது எண்ணெய் தெளிப்பதோடு சரி!!!

 

தீராத தொண்டை வலிக்கு இதமாக,
ஒரு கப் சூடான காபி குடிக்க எண்ணி,
பாலை சுட வைத்து,
ஒரு கரண்டி காபி தூளும்,
சர்க்கரையும் இட்டு,
பின்பு, காபி தூள், அதிகமான காரணத்தினால்,
சிறிது பால் சேர்த்து, 
கசப்பு சுவையை குறைக்க,
சிறிது சர்க்கரை சேர்த்து,
இப்படி மாத்தி, மாத்தி, ஒவ்வொன்றாக,
கூட்டி, பின்பு குறைத்து,
ஒரு டம்ளர் காபி, இரண்டாக ஆகி,
அடுத்த நாள் காலை,
பித்தம் தலைக்கேறி,
தலை கிறுகிறுத்தது தான் மிச்சம்!!
இதுக்குதான், அப்ப அப்ப,
BRU இரண்டு ரூபாய் சஷே வாங்கி,
எனக்கு ரொம்ப பிடித்த காபியை,

எந்த அளவுக்கு நல்லா போட தெரியும்னு,

  அப்பப்ப டெஸ்ட் பண்ணி இருக்கனும்!! 
எப்பவாது, காபி போட்டா இப்படித்தான்!!!